Новости за 09.07.2019

Рӯзи 7-уми июл дар натиҷаи сурох шудани лӯлаи об сокинони чанд бино дар шаҳри Ишқободи Туркманистон бе оби ошомиданӣ монданд. "Садамаи лӯла дар кӯчаи Кемин рух дод. Ҳамаи биноҳои ин минтақа бе об монданд", - гуфт як сокини маҳаллӣ. Ба гуфтаи ин сокин, мақомоти шаҳрдорӣ сокинонро бо оби ошомиданӣ таъмин накарданд. Дар ҳоле, ки солҳои гузашта ҳангоми сар задани садама дар қубурҳо сокинони беобмондаро тариқи мошинҳои обкаш бо об таъмин мекарданд. Сокинони Ишқобод мегӯянд, рӯзи 7-уми июл гармии ҳаво ба 40 дараҷа расида буд. Читать дальше...

Алмосбек Отамбоев, президенти пешини Қирғизистонро вазорати корҳои дохилии он кишвар рӯзи 8-уми июл ба бозпурсӣ даъват кард. Карима Амонқулова, намояндаи хадамоти матбуоти ВКД гуфт, президенти пешин ба ҳайси шоҳид ба бозпурсӣ даъват шудааст. Кормандони пулис даъватнома ба бозпурсиро ба манзили Отамбоев дар деҳаи Кой-Тош расонидаанд. Дар даъватнома нишон дода шудааст, ки бозпурсӣ субҳи рӯзи 9-уми июл доир мешавад. Отамбоев дар суҳбат бо рӯзноманигорон гуфт, тасмим надорад, дар бозпурсӣ ширкат кунад, зеро ба мақомот эътимод надорад. Читать дальше...

Мақомоти Тоҷикистон дар саршумори навбатии аҳолӣ дар соли 2020 шумораи пайравони динҳои мухталиф дар Тоҷикистонро дақиқ карданианд. Ин дар ҳолест, ки мумкин аст, чунин пурсиш гумону шубҳаи пайравони дин ва мазҳабҳои гуногунро ба миён орад.