Новости за 22.10.2021

Як намояндаи ҳукумати Қирғизистон хабар дод, ки роҳи донишҷӯёни тоҷик барои таҳсил дар он кишвар боз шудааст.

Дастаи мунтахаби миллии футболи Тоҷикистон дар радабандӣ ё рейтинги FIFA (Федератсияи байналмилалии футбол), ки 21-уми октябр дар сомонаи расмии ин созмон нашр шудааст, чор зина боло шуд ва дар байни 210 кишвар бо 1157 имтиёз дар ҷойи 114-ум қарор гирифт.

Вазорати кишоварзии Тоҷикистон сабаби болоравии нархи ордро дар кишвар шарҳ додааст. Як моҳи ахир нархи орд дар бозорҳои Тоҷикистон боло рафта, як халта орд қариб ба 300 сомонӣ расидааст.  Сокинон мегӯянд, дар минтақаҳо нархи орд аз ин ҳам гаронтар аст.

Дар вилояти Туркманбошии Турканистон пеш аз сафари Сардор Бердимуҳаммадов, писари президент Қурбонқулӣ Бердимуҳаммадов шаҳрвандони "ғайри қобили эътимод"-ро боздошт ва сагҳову гурбаҳоро мепарронанд. Дар ин бора сокинони Туркманобод хабар доданд. Санаи сафари Бердимуҳаммадови хурдӣ ба Туркманобод маълум нест, аммо мақомоти маҳаллӣ барои ин сафар ҷиддан омодагӣ мебинанд. Сардор Бердимуҳаммадов ноиб-сарвазири Туркманистон аст ва ҳамзамон чанд вазифаи дигар дорад.

Дар порлумони Қазоқистон тарҳи қонуни тағйиру иловаҳо ба қонуни низоми додгоҳӣ ва мақоми судяҳо баррасӣ мешавад. Яке аз иловаҳо пешниҳоди манъи инъикоси муҳокимаҳои додгоҳӣ аз сӯи расонаҳо ва шабакаҳои иҷтимоӣ аст, хабар медиҳад сомонаи Informburo.kz. "Касе ҳақ надорад, дар шабакҳои иҷтимоӣ ва ё расонаҳо дар бораи парвандаҳое иттилоъ нашр кунад, ки ҳанӯз қуваи қонунӣ нагирифтаанд", - пешниҳод шудааст дар тарҳи иловаҳо ба қонун. Дар ин бора вакили мудофеъ Гулнора Сулаймонова хабар дод, ки дар ҷараёни муҳокимаи тарҳ ширкат дошт. Читать дальше...

Мудири театри ба номи Абайи шаҳри Алматои Қазоқистон Тоир Каратаев наздики 1,5 ҳазор доллар ҷарима шуд. Дар он театр рӯзи 16-уми сентябр, дар давраи манъи баргузории чорабиниҳои оммавӣ дар робита ба паҳншавии вабои коронавирус, маросими рӯнамоии китоби Алия Назарбоева, духтари хурдии президенти пешини Қазоқистон баргузор шуда буд. Дар бораи ҷаримаи мудири театр сарпизишки беҳдоштии шаҳри Алмато Жандарбек Бекшин хабар дод. Бекшин пештар аз ин гуфта буд, ки маросими рӯнамоии китоб "бидуни вайрон кардани тартибот" баргузор шудааст.

Як коргардони тоҷик азҳампошии оилаҳо ва бесаробон мондани занони ҷавонро дар Тоҷикистон дар филми "Сарбор" ба тасвир кашидааст. Манзаралӣ Шералӣ мегӯяд, сарнавиштеро рӯйи навор овард, ки худ шоҳидаш буд. Азҳампошии оилаҳо дар Тоҷикистон солҳо боз масъалаи доғ мемонад.

Ду филми кутоҳи коргардонҳои ҷавони тоҷик барои онҳо панҷ ҷоиза овард. Яке аз ин филмҳо мушкили доғи ҷомеаи Тоҷикистон, ҷудошавии оилаҳо ва бесаробон мондани занони ҷавонро ба риштаи тасвир кашидааст. Таҳиягарони филм гуфтанд, “Сарбор” аз ҳаёти воқеии як зани тоҷик таҳия шудааст.

Ҳикмат Муъминов, муовини пешини раиси Академияи миллии илмҳои Тоҷикистон, рӯзи 21-уми октябр дар 55-солагӣ дар Маскав даргузашт.