Масъуд Собиров даргузашт
Имрӯз дар ноҳияи Файзобод бар асари бемории қалб иқтисодшинос ва собиқ раиси ҳизби демократии Тоҷикистон Масъуд Собиров даргузашт. Дар ин бора ба Радиои Озодӣ писараш Ораш Собиров хабар дод. Ораш гуфт, чанд соли охир падараш аз дарди қалб азият мешуд ва зери назари табибон қарор дошт. Маросими дафни Масъуд Собиров фардо, 27-уми август дар оромгоҳи деҳаи Сӯфиён, ки маҳалли зисти ин иқтисодшиноси тоҷик аст, барпо мешавад. Масъуд Собиров 63 сол дошт ва то охир ба ҳайси ходими илмии Пажӯҳишгоҳи иқтисодии Академияи илмҳои Тоҷикистон кор кард. Читать дальше...