Афсари тоҷик барои бо дос задан ба сари сарбоз ҷазо гирифт
Додгоҳи низомии шаҳри Душанбе як афсари вазорати дифоъро барои бадрафторӣ бо як сарбоз ҷазо додааст. Дар ҳукми додгоҳ, ки рӯзи 30-уми май нашр шуд омадааст, ки Комрон Саидмамадов, фармондеҳи гуруҳи 30 нафаррии ротаи посбони фахрии вазорати дифоъ барои бо дост ба сари сарбоз задан ҷазо гирифт.
Ба гуфтаи додгоҳ, ӯ Комрон Саидмамадов баъди онки як зертобеаш ба сабаби ҳассосият ва ё аллергия доштан аз даравидани алафи назди майдони сафороӣ худдорӣ мекунад, бо даст ба сари ӯ мезанад ва ӯро маҷрӯҳ мекунад. Ҳодиса моҳи апрел рух додааст. Додгоҳ амр додааст, ки лейтенант Комрон Саидамадов, барои риоят накардани ойинномаи ҳарбӣ барои як сол аз 15 дар сади музди кораш ба фоидаи давлат ситонида мешавад.
Бар асоси ҳукми додгоҳ, “Дар давраи адои ҷазо Комрон Саидамадов ба мансаби баланд таъин кардан ё ба ӯ додани рутбаи ҳарбии баландтар манъ аст”. Назари вакили дифоъ ва ё худи Комрон Саидмамадов ба Радиои Озодӣ маълум нест. Аммо бадрафторӣ бо сарбозон дар нерӯҳои мусаллаҳи Тоҷикистон як мушкили доғ боқӣ мемонад.