Новости за 24.05.2024

Олитарин додгоҳи СММ амр дод, ки бо сабаби бадтар шудани вазъ дар борикаи Ғазза, Исроил “бояд билофосила” амалиёти низомӣ дар шаҳри Рафаҳро хотима дода, барои ҳалли бӯҳрони башарӣ дар ин минтақа чораҳои фаврӣ андешад.

Хабарҳои Тоҷикистон ва ҷаҳон

Вазорати мудофиаи Тоҷикистон хабар дод, ки нақшаи давъати баҳорӣ ба артиш пеш аз муҳлат ва сад дар сад иҷро шудааст.

Ходимони полис ва наҷотбахшони тоҷикро шеваи кор бо сагҳоро ёд доданд.

ИМА гуфт, мақомоте, ки бо қабули қонун “Дар бораи агенти хориҷӣ” раванди демократӣ дар кишварро ба ҳам задаанд, бо маҳдудияти визаи амрикоӣ рӯбарӯ мешаванд.

​Раҳбари ҷумҳурихоҳи маҷлиси Амрико Майк Ҷонсон рӯзи 24 май гуфт, нахуствазири Исроил Бенямин Нетаняҳу қарор аст дар назди аъзои Конгресс суханронӣ кунад.

Рӯзи 24-уми май дар масҷиди ҷумъаи деҳаи Кангажаи аёлати Керолаи  кишвари Ҳинд маросими ҷанозаи Риёз Ҳарис Муҳаммад  - донишҷӯи Донишҷӯи донишгоҳи тибби Тоҷикистон ба номи Сино баргузор шуд.

Ҳомии ҳуқуқи қазоқистонӣ Айдар Сиздиков бо гумони фурӯши маводи мухаддир ду моҳ ба ҳабс гирифта шуд.

Ситоди кулли неруҳои мусаллаҳи Эрон рӯзи панҷшанбе нахустин гузориши худро дар бораи вожгунии чархболе, ки раиси ҷумҳури он кишвар Иброҳим Раисӣ савори он буд, нашр кард. Дар ин гузориш омадааст, "нишонаҳои бархӯрди гулӯла ва ё мавридҳои монанд ба он дар пораҳои боқимондаи чархболи сарнагуншуда дида нашудааст".

Оҷонси ҳавошиносии Тоҷикистон хабар медиҳад, ки рӯзҳои 24 ва 25 май дар кишвар боронҳои пуршиддат, сел, раъду барқ ва жола пешбинӣ шудааст.

Шаҳрванди Қирғизистон Акин Аскат Жетиген, ки дар даъват ба "бетартибиҳои оммавӣ" ва "ғасби қудрат" муттаҳам мешавад, 23 май дар додгоҳ гуфт, кормандони ниҳодҳои қудратӣ баъди боздошт ӯро шиканҷа карданд.

Дар натиҷаи оташ гирифтани як хона дар вилояти Маскави Русия 8 кас ҷон бохтааст.