Иштироки мунтахаби ҷавонони Тоҷикистон дар Ҷоми Осиё-2023
Дастаи мунтахаби футболи ҷавонони то 20-солаи Тоҷикистон дар марҳилаи ниҳоии Ҷоми Осиё-2023, ки аз 1-ум то 18-уми март дар Узбекистон доир мегардад, иштирок хоҳад кард.
Футболбозони ҷавони тоҷик бо роҳбарии сармураббӣ Олег Кубарев, мутахассис аз Беларус, дар гурӯҳи «С» бо дастаҳои Урдун (2-юми март), Умон (5-уми март) ва Кореяи Ҷанубӣ (8-уми март) рақобат мекунанд.
Дар мавриди ба 1/4 финал роҳ пайдо кардан мунтахаби ҷавонони Тоҷикистон (U-20) бо яке аз дастаҳои гурӯҳи «D» – Ҷопон, Арабистони Саудӣ, Чин ва Қирғизистон – бозӣ хоҳад кард.
Бояд гуфт, чаҳор дастаи беҳтарини Ҷоми Осиё-2023 ба қаҳрамонии ҷаҳон-2023 миёни ҷавонон, ки дар Индонезия баргузор мешавад, роҳхат мегирад.
Мунтахаби ҷавонони Тоҷикистон (U-20) бори панҷум дар қаҳрамонии Осиё ширкат меварзад. Қаблан ҷавонони тоҷик дар ин мусобиқот солҳои 2006, 2008, 2016 ва 2018 иштирок карда буданд. Беҳтарин натиҷаи мунтахаби Тоҷикистон роҳ ёфтан ба чорякфинали ду мусобиқоти охир дар Баҳрайн (2016) ва Индонезия (2018) мебошад.
Футболбозони ҷавони тоҷик дар доираи омодагӣ ба марҳилаи ниҳоии Ҷоми Осиё-2023 рӯзҳои 21-ум ва 24-уми феврал дар Варзишгоҳи марказии шаҳри Ҳисор бо тими ҷавонони Сурия (U-20) ду бозии дӯстона доир кард. Дар ҳарду бозӣ суриягиҳо бо натиҷаҳои 1:0 ва 2:1 пирӯз шуданд.
Тақвими бозиҳои Ҷоми Осиё-2023 дар гурӯҳи «С» бо иштироки мунтахаби ҷавонони Тоҷикистон (U-20)
Даври 1-ум
2 март (панҷшанбе)
Оғози бозӣ – соати 17:00
Тоҷикистон – Урдун
Тошканд, варзишгоҳи «Локомотив»
Даври 2-юм
5 март (якшанбе)
Оғози бозӣ – соати 17:00
Умон – Тоҷикистон
Тошканд, варзишгоҳи «Локомотив»
Даври 3-юм
8 март (чоршанбе)
Оғози бозӣ – соати 17:00
Кореяи Ҷанубӣ – Тоҷикистон
Тошканд, варзишгоҳи «Бунёдкор»
Ситоди мураббиёни мунтахаби ҷавонони Тоҷикистон (U-20) бо роҳбарии Олег Кубарев рӯйхати бозигаронеро, ки дар марҳилаи ниҳоии Ҷоми Осиё-2023 дар Узбекистон иштирок мекунанд, эълон кард.
Ба рӯйхат 23 бозигар – 3 дарвозабон, 7 ҳимоятгар, 9 нимҳимоятгар ва 4 ҳамлагар дохиланд.
Ҳайати мунтахаби ҷавонони Тоҷикистон (U-20) барои иштирок дар Ҷоми Осиё-2023 дар Узбекистон:
дарвозабонҳо: 1. Сафармад Ғаффоров («Хатлон»), 16. Шаҳобиддин Маҳмудзода («Динамо»), 23. Суҳробхуҷа Юсупов («Хуҷанд»);
ҳимоятгарон: 2. Фахриддин Аҳтамов («Хуҷанд»), 3. Раҳматшо Раҳматзода («Ҳосилот»), 4. Меҳрубон Ғаффорзода («Равшан»), 5. Содиқҷон Қурбонов («Истиқлол»), 11. Шаҳриёри Иноятулло («Равшан»), 15. Меҳрубон Каримов («Самгурали», Гурҷистон), 19. Асадбек Зиёзода («Истаравшан»);
нимҳимоятгарон: 6. Азизбек Ҳаитов («Хуҷанд»), 7. Салам Ашурмамадов («Думиенсе», Португалия), 8. Ҳамзаҷон Аҳтамов («Истаравшан»), 12. Кабир Салимшоев («Динамо»), 13. Ҳамадонӣ Камолов («Истиқлол»), 14. Салоҳиддин Эргашев («Истиқлол»), 17. Алиҷони Айнӣ («Истиқлол»), 18. Абдулло Шарипов (КМВА), 22. Фатҳулло Олимзода («Равшан»);
ҳамлагарон: 9. Абдулфаттоҳ Худойдодзода («Динамо»), 10. Суннатулло Азизов («Хатлон»), 20. Далер Шарипов («Металлург», Узбекистон), 21. Фаридун Давлатов («Регар-ТадАЗ»).
Сармураббӣ – Олег Кубарев (Беларус).