Новости за 03.02.2023

Қирғизистону Узбекистон барои шурӯи коркарди муштараки кони гази "Сухи Шимолӣ" машварат доранд. Дар ин бора дар сафари Шавкат Мирзиёев, президенти Узбекистон ба вилояти Андиҷони он кишвар хабар дода шуд.

Фурӯшгоҳҳои китоби диниро дар Душанбе дубора боз кардаанд, аммо шумораи китобҳо камтар шудаву тасбеҳ ва ҷойнамоз зиёдтар. Тоҷирон гуфтанд, фурӯши адабиёти динӣ маҳдуд аст. Намояндагони Кумитаи дин мегӯянд, дӯконҳоро ба сабаби ёфтани “адабиёти ғайриқонунӣ” баста буданд, вале маҳдудияте нест.

Бо гузашти се моҳ аз афзоиши бесобиқаи нархи тухми мурғ дар Тоҷикистон, масъулони Кумитаи бехатарии озуқаворӣ сабаби онро ба куштани мурғҳои зиёд пайванд доданд. Пештар намояндагони Вазорати кишоварзӣ сабабро гаронии нархи хӯроки паранда гуфтанд.

Дар Кӯлоб низоми "огаҳии пешакӣ аз офатҳои табиӣ" насб мешавад. Мақомдорони минтақа бовар доранд, огаҳии сарвивақтӣ ҳангоми омадани сел аз талафоти ҷонӣ пешгирӣ хоҳад кард.

Мақомоти Тоҷикистон баъд аз панҷ моҳ бастани дӯкони китобҳои диниро шарҳ доданд. Масъулони Кумитаи дин рӯзи 3-юми феврал гуфтанд, дари дӯконҳое, ки дар онҳо китобҳои ғайриқонунӣ дарёфт шудааст, барои як муддат баста шуд.

Кумитаи дин тасдиқ кард, ки дӯкони китобҳои диниро баст; мансабдори тоҷик гуфт, куштани барзиёди мурғ боис ба афзоиши нархи тухм шуд; сафарбарии муҳоҷирон ба артиши Русия ва матолиби дигар.

Ҳайатҳои Тоҷикистону Қирғизистон ба созиш расидаанд, ки дар наздикии сарҳад дигар тамрини низомӣ баргузор нахоҳанд кард. Раҷаббой Аҳмадзода, раиси вилояти Суғд, гуфт, ин ва тавофуқҳои дигар дар вохӯрии охирини ҷонибҳо ба даст омад. Гуфтушунид 2-юми феврал дар ноҳияи Бобоҷон Ғафуров гузашт.

Дар даҳ соли гузашта дар идораҳои Вазорати корҳои дохилии Тоҷикистон марги баъзе аз боздоштшудаҳо сабт шудааст. Масъулони ин ниҳод дар мавриди чунин раванд изҳори назар намекунанд, аммо баъзе аз афродеро, ки аз талафот дар идораҳои пулис изҳори нигаронӣ мекунанд, ҷазо медиҳанд.

Ҳайатҳои Тоҷикистону Қирғизистон ба созиш расидаанд, ки дар наздикии сарҳад дигар тамрини низомӣ баргузор нахоҳанд кард.

Аз 1-уми июли имсол Кодекси нави маданӣ (шаҳрвандӣ) дар Тоҷикистон ба иҷро медарояд.

Кумитаи дифоъ аз рӯзноманигорон (CPJ) ба талаби Вазорати фарҳанг, иттилоот, варзиш ва сиёсати ҷавонони Қирғизистон вокуниш кард. Вазорат талаб дорад, ки сомонаи Kloop.kg як гузоришро пок кунад.

Ҷаъфар Паноҳӣ, филмбардори зиндонӣ дар Эрон, гуфт, ки гуруснанишинӣ мекунад.

Мақомот сабаби расмии марги як фармондеҳи марзбониро дар Ишкошим тасодуф номидаанд.

Дар як соли охир дар вилояти Хатлон 24 марвиди марги занони ҳомила ҳангоми таваллуд сабт шудааст.

Рӯзҳои 4-5-уми феврал дар пойтахти Фаронса – шаҳри Порис мусобиқаи байналмилалии ҷудо Paris Grand Slam 2023 баргузор мешавад. Ба иттилои сомонаи расмии Федератсияи байналмилалии ҷудо (IJF), дар Paris Grand Slam 2023 иштироки 527 варзишгар (320 мард ва 207 зан) аз 85 кишвари панҷ қитъаи олам дар назар аст. Вале дар ин мусобиқаи пурнуфузи байналмилалӣ ин дафъа варзишгарони тоҷик иштирок намекунанд. Зимнан, аз кишварҳои Осиёи Марказӣ дар ин мусобиқа варзишгарони чаҳор кишвар – Қазоқистон (14 мард ва 14 зан)... Читать дальше...

Вазорати молияи Амрико 10 кас ва 12 ширкати дигарро барои кумак ба маҷмааи саноатӣ-ҳарбии Русия дар давр задани маҳдудиятҳо ба рӯйхати таҳримшудаҳо дохил кард. Дар миёни онҳо як шаҳрванди Узбекистон ҳам ҳаст.

Шаш аспе, ки аз Қирғизистон ба ноҳияи Ҷаббор Расулови Тоҷикистон гузаштаанд, ба соҳибонашон бозгардонида шуданд. Мақомоти интизомии ноҳия гуфтанд, воқеа на ҳуҷҷатгузорӣ шуд, на расонаӣ.

Шаш аспе, ки аз Қирғизистон ба ноҳияи Ҷаббор Расулови Тоҷикистон гузаштаанд, ба соҳибонашон бозгардонида шуданд. Мақомоти интизомии ноҳия гуфтанд, воқеа на ҳуҷҷатгузорӣ шуд ва на расонаӣ.

Юсуф Абдусаломов, паҳлавони маъруфи доғистонӣ, ки соли 2008 медали нуқраи Бозиҳои олимпии Пекинро барои Тоҷикистон оварда буд, сармураббии дастаи мунтахаби гуштии озоди Тоҷикистон таъйин шуд.

Мақомот мегӯянд, Гузоришгари вижаи Созмони Милали Муттаҳид дар умури озодиҳои диниро ба Тоҷикистон даъват кардаанд. Сулаймон Давлатзода, раиси Кумитаи дин, танзими анъана ва ҷашну маросими миллӣ гуфт, даъватнома аллакай фиристода шуд.

Сулаймон Давлатзода, раиси Кумитаи дин, танзими анъана ва ҷашну маросими миллӣ, рӯзи 3-юми феврал гуфт, дар семоҳаи дувуми имсол сафари ҳайати Қатар ба Тоҷикистон дар назар аст ва эҳтимол дар ҷараёни сафари ин гуруҳ масҷид кушода шавад.

Додгоҳи шаҳрии Бишкек ҳукми Додгоҳи ноҳияи Якуми майи пойтахти Қирғизистонро, ки шикояти бахши қирғизии Радиои Озодӣ зидди як дархости Кумитаи давлатии амнияти миллии ин кишварро рад карда буд, бетағйир гузошт.

Сухангӯи авиатсияи граждании Қирғизистон Ирина Болбот гуфт, кишвараш ҳанӯз иҷозат надодааст, ки дар масири парвози Душанбе-Урумчӣ аз ҳарими ҳавоияш истифода шавад.