Parižde terror hüjümini amala aşyrmakda aýyplanýan “Çeçenistanda doguldy”
Resmiler şübheli barada başga goşmaça maglumat bermediler.
Şenbe güni eli pyçakly hüjümçi 29 ýaşly bir adamy öldürdi, başga-da dört adamy ýaralady. Polisiýa hüjümçini atyp, öldürdi.
Ýekşenbe güni güman edilýän hüjümçiniň ene-atasy, terrorizm derňewleriniň çäginde, polisiýa soraga çagyryldy.
“Yslam döwleti” ekstremistik topary güman edilýäniň özüniň “esgeri” bolandygyny öňe sürdi.
Parižiň prokurory terrora garşy resmileriň hadysany derňeýändigini habar berdi. Şeýle-de, ol aýyplanýanyň hüjüm wagty “Allahu Akbar” diýip, gygyrandygy barada şaýatlaryň maglumat berendigini hem sözüne goşdy.