Новости за 25.05.2018

Türkmenistanda tomus möwsüminiň başlanmagy bilen halkara reýslerine-de, içerki reýslere-de uçar petekleri tapdyrmaýar, gerek senesine ortaça üç aý öňünden satyn almaly, diýip Azatlygyň Aşgabatdaky habarçysy aýdýar. "Kassalarda petek ýokdur. Emma uçarlara münseň bolsa, uçaryň içinde ýerleriň ýarysy diýen ýaly boş galýandyr" diýip, öz adynyň efirde tutulmazlygyny soran Aşgabatly ýaşaýjy habarçymyza gürrüň berdi. Onuň sözlerine görä, Türkmenabat - Aşgabat aralygyna her günde 3 sany uçar reýsiniň gatnaýandygyna seretmezden, uçara petek ýok. Читать дальше...

Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.

Türkmenistanda galla oragy möwsüminiň bosagasynda, Lebap welaýatynyň käbir arçynlarynyň döwlet tarapyndan kesgitlenen galla planyny galp görnüşde dolmak üçin berýän para-peşgeşini kärendeçilerden soraýandygy öňe sürülýär.

Şu gün, ýagny 25-nji maýda Türkmenistanyň orta mekdeplerinde 11-nji synpy, ýagny mekdebi tamamlaýan okuwçylar üçin Soňky jaň dabaralary geçirildi. Azatlyk Radiosynyň Daşoguz welaýatyndaky çeşmeleri bu dabaralar üçin ýygnalýan puluň möçberiniň aşa köplügi sebäpli, käbir ene-atalar bilen çagalarynyň arasynda düşünişmezlikleriň bolup, munuň ýaşlaryň öz janyna kast etmek synanyşygyna çenli alyp barandygyny habar berýärler.

Golland hökümeti Niderlandlaryň we Awstraliýanyň Russiýany 2014-nji ýylda Ukrainanyň gündogarynda Malaýziýanyň howaýollary kompaniýasyna degişli MH17 belgili uçaryň urlup düşürilmegine kanuny ýagdaýda jogapkär tutjakdygyny mälim etdi.

Türkmenistanda dowam edýän täsiri halkyň durmuşynda barha ýiti duýulýan ykdysady krizisiň fonunda, raýatlar mundan çykalgany köpçülikleýin ýagdaýda daşary ýurtlara eklenç gözlegine ýykgyn etmekde tapýar.

Pakistan indiki ýylyň dowamynda Türkmenistan-Owganystan-Pakistan-Hindistan gaz geçirijisiniň esasynda gazyň transport edilmegi we tranzit tölegleri, gazgeçirijini dolandyrmak düzgünleri şeýle-de inženerlik işleri (Front End Engineering Design FEED) boýunça ylalaşyklara gol çekmegi planlaşdyrýar. Bu barada “Pakistan observer” neşri habar berýär. “TOPH proýekti boýunça işler, şol sanda gaz geçirmek, gazgeçiriji boýunça hyzmatlara degişli düzgünler, tranzit tölegleri boýunça ylalaşyga gol çekilmegi... Читать дальше...

Gollandiýanyň daşary işler ministri Stef Blok öz ýurdunyň we Awstraliýanyň Russiýany 2014-nji ýylda Ukrainanyň gündogarynda Malaýziýa howa ýollaryna degişli uçaryň urlup düşürilmegine kanuny ýagdaýda jogapkär tutjakdygyny mälim etdi. Mundan bir gün öň, Gollandiýanyň ýolbaşçylygyndaky halkara jenaýat derňewçileri uçary uran Buk ulgamynyň Russiýanyň 53-nji howa hüjüminden goranyş brigadasyna degişli bolandygyny mälim edipdiler. Russiýanyň Goranmak ministrligi MH17 uçarynyň urlup düşürilmegi bilen... Читать дальше...

Demirgazyk Koreýa – ABŞ-nyň prezidentiniň Kim Jong Un bilen 12-nji iýunda geçmeli sammitini ýatyranyndan hem soň – gepleşikleri geçirmäge meýillidigini aýdýar. Prezident Donald Tramp Phenýanyň “ýiti gazaplylygy we açyk duşmançylygy” diýen kesgitlemä esaslanyp, gepleşikleriň ýatyrylýandygyny yglan edipdi. Demirgazyk Koreýanyň daşary işler ministriniň orunbasary Trampyň bu netijesine jogap edip, Phenýanyň Waşington bilen “islendik wagty, islendik görnüşde” gepleşikleri geçirmäge taýýardygyny aýtdy. Читать дальше...

Russiýanyň prezidenti Wladimir Putin özüniň fransiýaly kärdeşi Emmanuel Makrona has ýakyn biznes gatnaşyklaryny wada berdi. Bu barada Putin Makronyň Sankt-Peterburgda geçýän ýyllyk ykdysady forumyna edýän saparynyň çäklerinde çykyş etdi. Bu saparyň dowamynda Fransiýanyň Total kompaniýasy bilen gaz ylalaşygy hem baglaşyldy. Putin iki ýurduň ykdysady gatnaşyklarynyň – Ýewropa Bileleşigniň Kremliň Ukrainadaky agressiýasy sebäpli Moskwa girizen sanksiýalaryna, Siriýadaky düşünişmezliklere we beýleki meselelere garamazdan ... Читать дальше...

Dünýäniň iri baş döwleti we Eýranyň ýokary derejeli diplomatlary 25-nji maýda Wenada duşuşyp, ABŞ-nyň 2015-nji ýylda baglaşylan Tähranyň Ýadro ylalaşygyndan çykýandygyny we Eýrana garşy sanksiýalaryň ýaňadandan giriziljekdigini yglan edenden soň, bu Ylalaşygy saklap galmak ugrunda gepleşikleri geçirýärler.   Eýran resmileri eger-de Britaniýa, Fransiýa, Germaniýa, Russiýa, we Hytaý Ylalaşyga laýyklykda, öz üstüne alan borçnamalaryny berjaý etseler, onda Tähranyň hem ýadro programmasyny çäklendirmek boýunça wadalaryny tutjakdygyny aýtdylar. Читать дальше...

Kanadanyň Ontario welaýatyndaky bir restoranda bolan partlamada 15 adam ýaralandy. Resmileriň berýän maglumatyna görä, bu waka Torontodan 30 km uzaklykdaky Mississauga şäherinde, ýerli wagt bilen 22:30-da (Aşgabat wagty bilen 07:30-da) ýüze çykypdyr. Şahsyýeti näbelli iki adam restorana girip, öý şertlerinde ýasalandygyna çalym edýän partladyjyny ýerleşdirip, bu ýerini terk edipdirler. Saglyk resmileri 15 adamyň keselhana ýerleşdirilendigini, olaryň üçüsiniň ýagdaýynyň agyr bolmagyna galýandygyny mälim etdiler. Читать дальше...

Halkara jemgyýetçiligi her ýylyň 25-nji maýynda ýiten çagalaryň halkara gününi belleýär. Global ýiten çagalar guramasynyň agzalary her ýyl bu gün bilen baglylykda ýiten we alnyp gaçylan çagalaryň hatyrasyny tutýar, halas edilen çagalaryň begenjini paýlaşýar.

Eýran 2015-nji ýylda dünýäniň iri döwletleri bilen baglaşylan Ylalaşygyň çäklerinde, ABŞ-nyň bu Ylalaşykdan çykmagyna hem garamazdan, özüniň ýadro programmasyna girizilen çäklendirmeleriň şertlerine ygrarly bolup galdy diýip, BMG-niň ýadro gözegçilik edarasy maglumat berdi. Bu ABŞ-nyň prezidenti Donald Trampyň şu aýyň başynda Waşingtonyň Ýadro ylalaşygyndan çykýandygyny yglan edeninden soň, bu mazmunly çap edilen ilkinji hasabatdyr. Atom energiýasy boýunça Halkara Agentligi Eýranyň uraniumy baýlaşdyrmak... Читать дальше...