Türkmenistanda çagalaryň hukuklaryny durmuşa geçirmek planlaşdyrylýar
Bu kararyň çagalaryň hukuklaryny iş ýüzünde durmuşa geçirmek hem-de şol hukuklardan peýdalanmak mümkinçiligini artdyrmak maksady bilen kabul edilendigi aýdylýar.
Türkmenistan çagalaryň hukuklaryny goramagyň döwlet syýasatynyň ileri tutulýan ugurlarynyň biridigini aýdýar.
Emma hukuk goraýjylar Türkmenistanda çaga zähmetiniň saklanyp galýandygyny, ýurtdaky ykdysady kynçylyklaryň çagalaryň okuw mümkinçiliklerini azaldyp, olary maşgalanyň eklenjine başardygyndan goşant goşmaga itekleýändigini belleýärler.
Şeýle-de aktiwistler Türkmenistanda çagalaryň okuw wagtynda we dynç alyş mahalynda köpçülikleýin çärelere gatnaşdyrylyp, syýasy propagandanyň guraly hökmünde ulanylmagyny tankyt edýärler.