Новости за 14.06.2018

Mary welaýatynyň ekin meýdanlarynda bugdaý orulýar, emma etraplaryň ýaşaýjylarynyň un-çörek ýetmezçiliginiň ozalkysyndan hem artýandygyny görse bolýar.

Türkmenistanda döwlet derejesinde günäsi geçilip tussaglykdan boşadylan bendileriň azatlykda işsiz kösenýändigini, howpsuzlyk ýagdaýlary sebäpli Azatlykda atsyz çykyş edýän habarçymyz 14-nji iýunda habar berdi.

Sosial mediada türkmenistanly migrantlaryň ýaýradýan bildirişlerinde Stambulda ýogalan daşoguzly migrant zenana hossar gözlenýändigi habar berilýär we merhumyň Türkmenistanyň biometriki bolmaýan köne pasporty bilen türk keselhanasy tarapyndan berlen ölüm habarnamasy halk köpçüligine görkezilýär.

14-nji iýunda Orsýetde futbol boýunça 21-nji dünýä çempionaty başlanýar. Moskwanyň täzelenen 80 müň adamlyk Lužniki stadionynda Orsýet Saud Arabystany bilen bäsleşer. Iri halkara sport çäresiniň açylyş dabarasyna Orsýetiň prezidenti Wladimir Putin we dünýä ýurtlarynyň liderleriniň ençemesi gatnaşýar. Bir aýdan gowrak wagtyň dowamynda Orsýetiň 11 şäheriniň jemi 12 sany stadionynda geçiriljek çempionata 32 sany komanda, şol sanda 2014-nji ýylyň dünýä çempiony Germaniýanyň topary gatnaşar. 32 günüň dowamynda 64 sany oýun geçiriler. Читать дальше...

Türkmenistanyň “gara bazarlarynda” dollaryň manada bolan ynjyk gatnaşygynyň fonunda, Aşgabatda döwlet manadyny daşary ýurt walýutasyna bikanun konwertasiýa etmekde aýyplanyp, käbir telekeçiler, bank işgärleri saklandy we hatda ilat arasynda “eldegirmesiz” hasaplanýan Milli howpsuzlyk gullugynyň käbir işgärleri hem jogapkärçilige çekiljege meňzeýär. Bu barada Azatlygyň hökümete ýakyn çeşmesi habar berdi.

Aşgabatda “Türkmentelekomyň” eýeçiliginde tamlaryň üçeklerine oturdylan antennadan çekilen kabel telewideniýeleriň tölegleri duýdansyz 100% gymmatladyldy.

Hormatly, sözde "ARKADAG" Gurbanguly BERDIMUHAMEDOW!

Gürjüstanyň premýer-ministri hökümete garşy guralan we paýtagt Tbilisini çaýkan tagyrlaýyn protestlerden soň işden çekildi. Giorgi Kwirikaşwili bu beýanaty 13-nji iýunda, dolandyryjy Gürjüstan arzuwy partiýasynyň lideri, tütjar baý Bidzina Iwanişwili bilen “ylalaşmazlyga” salgylanyp etdi. "Meniň pikirimçe, indi partiýa liderine täze hökümet düzmek üçin mümkinçilik bermeli pursat geldi” diýip, ol özüniň telewideniýede berlen beýanatynda aýtdy. 50 ýaşyndaky Kwirikaşwili 2015-nji ýylyň dekabryndan bäri premýer-ministr bolup işledi. Читать дальше...

“Doglan günüňiz mynasybetli meniň ýürekden çykýan gutlaglarymy we iň gowy arzuwlarymy kabul ediň!” diýip, Gurbanguly Berdimuhamedowyň ABŞ-nyň prezidenti Donald Trampa iberen gutlarynda aýdylýar.  TDH-nyň maglumatyna görä, Berdimuhamedow amerikan kärdeşine berk jan saglyk, maşgala abadançylygyny, onuň “amerikan halkynyň gülläp ösmegine gönükdirilen başlangyçlarynda” üstünlik gazanmagyny arzuw edýär.  Şeýle-de Berdimuhamedow gutlagynda özüniň iki ýurduň arasyndaky gatnaşyklary mundan beýläk-de ösdürmäge taýýardygyny aýdýar.

ABŞ-nyň döwlet sekretary Maýk Pompeo 14-nji iýunda Seulda Demirgazyk Koreýa ýadro ýaraglaryndan doly saplanýança Phenýana garşy girizilen sanksiýalaryň ýatyrylmajakdygyny aýtdy.  Pompeo şu hepde ABŞ-nyň prezidenti Donald Tramp bilen Demirgazyk Koreýanyň lideri Kim Jong Unyň arasynda bolan sammit barada Günorta Koreýanyň prezidenti Moon Jae-Ine maglumat bermek üçin Seulda boldy.  Pompeo günorta koreýaly we ýaponiýaly kärdeşleri Kang Kyung Wha we Taro Kono bilen metbugat ýygnagynda çykyş edip,... Читать дальше...

Orsýetde geçýän 21-nji Dünýä futbol çempionaty 14-nji iýunda, öý eýeleriniň Moskwada, täzelenen 80 müň orunlyk Lužniki stadionynda Saud Arabystanyna garşy oýnamagy bilen başlanar.  Ýaryş ýerli wagt bilen öýlän sagat 6-da, rus prezidenti Wladimir Putiniň we dünýäniň beýleki ýurtlaryndan gelen ýokary derejeli myhmanlaryň gatnaşmagynda gurnalan açylyş dabarasyndan soň başlanar. Ýaryşlar bir aýdan gowrak wagt dowam eder we soňky oýun hem şol bir stadionda, 15-nji iýulda oýnalar. Fotbol ýaryşlaryna 32 komanda... Читать дальше...

Siriýanyň prezidenti Başar al-Assad özüniň Eýranyň we Hizballanyň güýçleriniň kömegine mätäçdigini we olaryň näçe uzak zerur bolsa, şonça wagt hem ýurtda saklanyp galjakdygyny aýdýar.  Assad 13-nji iýun güni giçlik Eýranyň Al-Alam TW-sine beren interwýusynda Eýranyň, Orsýetden tapawutlylykda, Siriýada hiç bir harby bazasynyň ýokdugyny aýtdy. “Emma eýran harby bazasy zerur bolsa, biz şeýle baza bilen üpjün etmekden ýaýdanyp durmarys” diýip, Assa sözüniň üstüni ýetirdi.  "Orsýet bilen bolşumyz ýaly... Читать дальше...

ABŞ-nyň we Britaniýanyň aňtaw resmileri Orsýetde dünýä çempionatyny görmäge gitjek futbol janköýerlerine olaryň mobil telefonlarynyň we kompýuterleriniň kiber içalylary tarapyndan hak edilmek ähtimallygyny duýdurýar. ABŞ-nyň Milli kontrrazwedka gullugynyň we Howpsuzlyk merkeziniň direktory William Ewanina 13-nji iýunda Orsýetde özüni o diýen möhüm hasaplamaýan adamlaryň hem hakerleriň nyşanasyna öwrülip biljekdigini aýtdy. "Dünýä çempionatynynyň ýaryşlaryna tomaşa etmek üçin Orsýete gidýän islendik... Читать дальше...

13-nji iýunda, döwlet howpsuzlyk geňeşiniň ýylyň bäş aýynda edilen işleriň netijelerine bagyşlanan mejlisinde Türkmenistanyň milli howpsuzlyk ministri Döwrangeldi Baýramow wezipesinden boşadyldy, içeri işler ministri Isgender Mulikowyň bolsa harby çini beýgeldildi.