Moskwa we Bişkek Gyrgyzystandaky rus harby bazasynyň territoriýasyny giňeltdi
Prezident Putiniň Bişkege bir günlük sapary mahalynda taraplar Orsýetiň Merkezi Aziýa ýurdundaky harby bazasynyň territoriýasyny 60 gektar giňelmek ylalaşygyna geldi.
Orsýetiň kanuny dokumentler saýtynda ýerleşdirilen protokola laýyklykda, Orsýetiň demirgazykdaky Kent şäherinde ýerleşýän howa bazasynyň kärendesine töleýän ýyllyk tölegi$4.5 milliondan $4.79 milliona çenli köpeldildi.
Orsýetiň Kantdaky howa bazasy 2003-nji ýylda, Kollektiw howpsuzlyk şertnamasy guramasynyň howandarlygynda açyldy. Bu gurama Ermenistan, Belarus, Gazagystan we Täjigistan hem girýär.
Orsýetiň daşary işler ministri Sergeý Lawrow geçen aý Gyrgyzystana sapary mahalynda, eger Bişkek gyzyklansa, Moskwanyň bu ýurtda ikinji harby bazasyny hem açmak meselesini maslahatlaşjakdygyny aýtdy.