Новости за 14.03.2019

Düýbi Nýu-Ýorkda ýerleşýän “Mercer” kompaniýasy dünýäniň dürli şäherlerinde ýaşaýyş-durmuş şertleriniň amatlylygy we hili boýunça barlag geçirip, 13-nji martda 2019-njy ýyla degişli barlagyň netijelerini çap etdi.

Daşogzuň bazarlarynda ýurduň ýörite gulluklarynyň raýat eşigindäki işgärleriniň telefonynda surata ýa-da wideo düşürýän adamlary saklap, polisiýa merkezine alyp gitmek çäresi güýçlenýär. Bu barada Azatlyk Radiosynyň Daşoguz welaýatyndaky habarçylarynyň biri habar berýär.

Aşgabatda ýaşaýjylar gazyň, elektrik togunyň we suwuň mugt döwründe sarp eden serişdeleri üçin ýokarlandyrylan, täze nyrhlarda töleg tölemäge mejbur edilýär.

Owganystanyň demirgazygyndaky Mazer-e Şarif şäherinde ozalky welaýat häkimine ygrarly polisiýa işgärleri bilen merkezi hökümetiň ýörite polisiýa güýçleri özara çaknyşdylar. Azatlyk Radiosynyň ýerli habarçysynyň maglumatyna görä, çaknyşyk Balh welaýatynda ýörite polisiýa güýçleriniň täze bellenen polisiýa başlygy Abdul Rakib Mobarez bilen barýan pursady ýüze çykypdyr. Çaknyşygyň netijeleri barada bata-bat maglumat berilmedi. Mobarezi polisiýanyň başlygy wezipesine Owganystanyň prezidenti Aşraf Gani belledi. Читать дальше...

Belarusyň media serişdeleriniň habar bermegine görä, "Belgorhimprom" Garlykdaky kaliý kombinatynyň gurluşygyna degişli öz borçlaryny ýerine ýetirmändigi hakynda türkmen tarapyndan özüne nägilelik bildirilendigini tassyklapdyr. "Beýanat boldy. Jogap hökmünde biziň reaksiýamyz hem boldy. Şu günki gün meselä arbitražyň ýola goýan düzgünlerine laýyklykda seredilýär" diýip,  "Belgorhimpromyň" baş müdiri Wýaçeslaw Korşun Naviny.by neşrine aýdypdyr.   "Türkmenhimiýa" döwlet konserniniň Belarusyň "Belgorhimprom"... Читать дальше...

ABŞ maý aýyndan başlap Eýranyň çyg nebit eksportyny 20% kemeltmegi göz öňünde tutýar. Waşington muňa razy bolmadyk importýorlaryň ABŞ-nyň sanksiýalaryna duçar boljakdyklaryny duýdurýar.

Pentagon, ozal “Orta aralykly ýadro güýçleri” (INF) şertnamasynyň çäklerinde 30 ýyl töweregi gadagan edilen, ýerden atylýan ganatly raketalarynyň synagyny şu tomus geçirmekçi bolýandygyny mälim etdi. “Biz awgustda ýerden atylýan ganatly raketlaryň synaglaryny geçirmekçi” diýip, atlandyrylmasyzlygyny soran ABŞ-nyň ýokary derejeli harby resmisi Reuters gullugyna maglumat berdi. Mundan öň, Waşington we NATO Moskwany öz 9M729 ganatly raketasyny (SSC-8 diýip hem bilinýär) gurup, 1987-nji ýylda baglaşylan... Читать дальше...

Hytaý geçen aý Hindistan bilen Pakistanyň arasyndaky dartgynlylygyň has-da ýitileşmegine sebäp bolan hüjümi amala aşyran toparyň liderini “gara sanawa” girizmek baradaky teklibi petikledi. BMG-niň Howpsuzlyk Geňeşinde Hytaý Masood Ažaryň “gara sanawa” girizilmeginiň öňüni aldy. Ažaryň ýolbaşçylyk edýän, düýbi Pakistanda ýerleşýän “Jaiş-e Mohammad” (JeM) topary dawaly Kaşmir sebitiniň Hindistanyň gözegçiligindäki raýonynda amala aşyrylan hüjümiň jogapkärçiligini öz üstüne alypdy. Janyndan geçeniň şol hüjüminde 40 hindi harbysy öldürilipdi. Читать дальше...

Braziliýanyň Sao Paulo şäheriniň golaýyndaky mekdepleriň birinde ozalky iki okuwçynyň amala aşyran hüjümi netijesinde ýedi adam, şol sanda bäş okuwçy öldürildi; 11 adam hem ýaralandy. Resmileriň beren maglumatyna görä, soňy bilen ýüzi maskaly hüjümçileriň biri ilki öz şärigini öldüripdir, soňy bilen-de özüni helekläpdir. Ýerli polisiýa wekili hüjümçileriň .38 kalibrli rewolwerler, Molotow kokteýlleri, pyçaklar we paltalar bilen ýaraglanandyklaryny mälim etdi. Hüjümçiler 17 ýaşly Guilherme Taucci... Читать дальше...

Gazagystanyň sudy buzda figuralaýyn typyjy Denis Teniň öldürilmegi bilen ilteşikli günäli tapylýan bir aýala çykarylan hökümi gowşatdy. Belli türgen Ten 2018-nji ýylyň tomsunda Almatynyň merkezinde, 25 ýaşynda pyçaklanyp öldürilipdi. Ýanwar aýynda gazak sudy Teni öldürmekde aýyplanýan iki adamy, ýagny Arman Kudaýbergenowy we Nuraly Kiýasowy günäli tapyp, olaryň her birini 18 ýyl türme tussaglygyna höküm etdi. Aýyplanýanlaryň üçünjisi Žanar Tolybaýewa jenaýaty habar bermezlikde günäli tapylyp, dört ýyl türme tussaglygyna höküm edildi. Читать дальше...