Новости за 20.07.2018

Germaniýanyň kansleri Angela Merkel öz ýurdunyň Birleşen Ştatlar bilen gatnaşygyny “basyş astynda”, emma “möhüm” diýip häsiýetlendirip, özüniň munuň üstünde işlejekdigini aýtdy. Merkel bu barada 20-nji iýulda, ýagny geçen hepde Birleşen Ştatlaryň prezidenti Doland Tramp Berlini rus energiýa importyna garaşlylygy sebäpli Orsýetiň “ýesiri” bolmakda aýyplandan soň geçiren giň gerimli metbugat konferensiýasynda mälim etdi. 11-nji iýulda Brýusselde geçirilen NATO ýygnagynda Tramp Germaniýany has köp... Читать дальше...

19-njy iýulda Orsýetiň Daşary işler ministrligi Birleşen Ştatlaryň konserwatiw syýasatçylary we toparlary bilen ilteşigi bolan Maria Butinanyň azatlyga goýberilmegine çagyryp, Twitter sosial ulgamynda ýörite kampaniýa başlatdy. Butina ABŞ-nyň häkimiýetleri tarapyndan rus agenti bolmakda aýyplanýar. 29 ýaşyndaky Butina ABŞ-nyň FBI, ýagny Federal derňew býurosy tarapyndan tussag edilipdi. Şu hepde ol dildüwşük etmekde we daşary ýurt agenti bolmakda aýyplandy. Şeýle-de, ol Orsýetiň bähbitlerini ilerletmek maksady bilen syýasy toparlara... Читать дальше...

Birleşen Ştatlaryň prezidenti Donald Tramp resmilere Orsýetiň prezidenti Wladimir Putini güýzde Waşingtona duşuşyga çagyrmak boýunça tabşyryk berdi diýip, Ak tamyň metbugat wekili Sara Sanders aýtdy.

Soňky üç aýlykda türkmen raýatlarynyň daşary ýurtlarda onlarça müň dollarlyk gyzyl şaý-sepleri gizlinlikde geçirmäge synanyşýarka saklanyp, bikanun gyzyl söwdasyndan aýyplanmagyndan soň, Türkmenistanyň Döwlet migrasiýa gullugynyň hem Aşgabadyň aeroportynda gyzyl şaý-sepli ýolagçylara gaty berk darap başlandygy habar berilýär.

Aşgabadyň Teke bazarynda eli çagaly zenanlar, garry eneler “Ahal” ýagynyň uly nobatlaryna durup, bir ele berilýän bir gap ýagy almak üçin gijeden bu bazaryň ýag satylýan azyk dükanlarynyň öňünde nobatlara durýarlar.

19-njy iýulda Gazagystanda typmak boýunça figuraçy sportsmen Denis Teni öldürmekde güman edilýän şübheli tussag edildi. 20-nji iýulda Almaty şäheriniň prokurory Berik Žuiriktaýew žurnalistlere beren maglumatynda tussag edilen Nuraly Kiýasowyň 1994-nji ýylda Gazagystanyň günortasyndaky Žambyl regionynda doglandygyny we onuň ýurdy geň galdyran jenaýata özüniň gatnaşygynyň bardygyny boýun alandygyny aýtdy. Almatynyň polisiýasy ikinji şübheliniň hem şahsyýetiniň anyklanandygyny we kanun goraýjy ofiserleriň... Читать дальше...

Birleşen Milletler Guramasyna (BMG) agza 193 ýurduň hökümetleriniň 97 %-niň Twitter sosial ulgamynda resmi hasaplary bar, ýöne diňe alty ýurduň, ýagny Laosyň, Moritaniýanyň, Nikaraguanyň, Swazilandyň, Demirgazyk Koreýanyň we Türkmenistanyň hökümetleriniň Twitter ulgamynda resmi hasaby ýok diýip, halk bilen gatnaşyklary pudagynda global derejede iş alyp barýan düýbi Nýu-Ýorkdaky “Berson-Marstellar” kompaniýasy soňky çap eden “Twiplomatiýa” atly barlagynyň netijelerine salgylanýar.

Azatlyk Radiosy bilen 20-nji iýulda habarlaşan türkmenistanly özüniň ýaňy-ýakynda Aşgabatda günden goranmak üçin gara reňkli saýawan göterendigi sebäpli jerimä sezewar bolandygyny gürrüň berdi.     "Men özüm Lebap welaýatyndan Aşgabada gezelenje barypdym we gezip ýörkäm meni polisiýanyň işgärleri ştraf etdiler, jerime töletdiler, sebäbi men gara zontikli durdym", diýip Azatlyk Radiosynyň söhbetdeşi aýdýar. Onuň sözlerine görä, 10 manat möçberinde jerime töleden polisiýa işgärleri oňa gara saýawan götermegiň indi gadagan edilendigini aýdypdyr.

19-njy iýulda Owganystanyň demirgazygyndaky Gunduz şäheriniň golaýyna edilen owgan-ABŞ howa zarbalarynda azyndan 14 adam, şol sanda aýallar we çagalar öldi diýip, resmiler aýdýarlar. Häkimiýetleriň sözlerine görä, bu zarbalaryň owganmy ýa-da ABŞ uçarlary tarapyndan amala aşyrylandygy henizem nämälim bolmagynda galýar. Şol pursatda bu uçarlaryň guryýer operasiýalaryny goldamak missiýasyny amala aşyrandygy bellenilýär. Birleşen Ştatlaryň harbylary tarapyndan ýaýradylan beýanatda hüjüme öz uçarlarynyň... Читать дальше...

Türkmenistanda tomsuň iň jöwzaly günleri dowam edýär, emma ykdysady kynçylyklar, “Awaza” milli dynç alyş zolagy gurlanda müňlerçe daça jaýynyň ýykylmagy netijesinde, ýönekeý adamlaryň deňiz boýunda dynç almak mümkinçilikleri barha azalýar diýip, ýerli çeşmeler habar berýär.

Türkmenistanyň we türkmenistanlylaryň durmuşy bilеn bagly gyzykly pursatlary şekillendirýän fotosergi.

Ak tamyň metbugat sözçüsi Sarah Sanders özüniň Twitter sosial ulgamynda çap eden maglumatynda Birleşen Ştatlaryň prezidenti Donald Trampyň amerikan resmilerine rus prezidenti Wladimir Putini “güýzde” Waşingtona çagyrmak barada tabşyryk berendigini mälim etdi. “Prezident Tramp [milli howpsuzlyk boýunça maslahatçy John Boltondan] prezident Putini güýzde Waşingtona çagyrmagy sorady we bu barada eýýäm gepleşikler alnyp barylýar” diýip, Sanders 19-njy iýulda ýazan tweetinde belledi. Şeýle-de, Sanders... Читать дальше...