Новости за 29.08.2018

Ýewropada Howpsuzlyk we Hyzmatdaşlyk Guramasynyň (ÝHHG) Aşgabatdaky merkezi paýtagtyň “Ýyldyz” myhmanhanasynda türkmen žurnalistleriniň işini kämilleşdirmek boýunça iki günlük seminar geçirýär. Bu barada TDH 28-nji awgustda habar berdi.

Lebap welaýatynyň Atamyrat, Çärjew, Halaç we Garabekewül etraplarynyň käbir mekdeplerinde täze okuw ýylyna görüljek taýýarlyklar üçin okuwçylardan pul talap edilýändigi öňe sürülýär.

Orsýet Ortaýer deňzinde ýene birnäçe uruş gämisini ýerleşdirdi, rus metbugaty muny Moskwa 2015-nji ýylda Siriýanyň raýat urşuna gireli bäri görlen iň uly harby-deňiz çäresi diýip atlandyrýar.

Germaniýanyň häkimiýetleri howpsuzlyk töwekgelçiligini döredýär diýip, ýurduň Wisbaden şäherindäki sungat festiwalynda oturdylan türk prezidenti Rejep Taýýyp Erdoganyň gyzyl heýkelini aýyrdylar. Temasy “Erbet habar” bolan festiwalyň guramaçylary Erdoganyň 4 metr uzynlygyndaky heýkelini 27-nji awgustda Wisbadeniň merkezi meýdançasynda ýerleşdiripdiler. Häkimiýetler şondan bäri bu heýkeliň Erdogana tarapdar we oňa garşy adamlaryň çykyş etmegine esas döredýän magnita öwrülendigini aýdyp, munuň  konflikti öjükdirýändigini bellediler. Читать дальше...

Gyrgyzystanyň Sosial demokratik partiýasy (GSDP) ýurduň öňki prezidenti Almazbek Atambaýew bilen häzirki lideri Sooronbaý Žeenbekowyň arasynda artýan dartgynlylyga ünsi çekip, hökümetiň syýasatyny geljegi görmeýän, “gysga garaýyşly” diýip tankyt etdi. 28-nji awgustda ýaýradylan beýanatda Gyrgyzystanyň Sosial demokratik partiýasy häkimiýetleri “geljegi görmeýän syýasaty amala aşyrmakda, syýasy garşydaşlary yzarlamakda, gowşak ykdysady syýasatda” tankytlap, munuň “ýurtda barha protest keýpini” döredýändigini öňe sürdi. Читать дальше...

Gündelik harytlaryň ýeter-ýetmezçiligi sebäpli paýtagt Aşgabatda ýerli ýaşaýjylar zerur harytlaryny satyn almak üçin, ir säher bilen dükanlaryň öňünde nobata durup, özlerine gezek ýetýänçä sagatlap garaşmaly bolýarlar. Şol bir wagtyň özünde, harytlaryň gymmatlamagy dowam edýär.

Yragyň günbataryndaky howpsuzlyk barlag nokadyna edilen janyndan geçeniň ulagly bomba hüjüminde azyndan 11 adam öldi we başga-da 16 sanysy ýaralandy diýip, resmiler aýdýarlar. Hüjümçi partladyjy serişdeler ýerleşdirilen ulagy Yragyň Anbar welaýatyndaky Kaim şäherçesindäki barlag gözegçilik nokadyna sürdi diýip, 29-njy awgustda bu welaýatyň häkimi Ahmed al-Mehlawy aýtdy. Ol barlag nokadynyň ýurduň armiýasy we hökümetiň goldamagyndaky şaýy söweşijileri tarapyndan dolandyrylýandygyny hem sözüniň üstüne goşdy. Читать дальше...

Tähran Birleşen Ştatlaryň we Ysraýylyň talaplaryna garamazdan, özüniň Siriýadaky harbylaryny saklap galar diýip, Eýranyň Damaskdaky harby attaşesi aýtdy. “Siriýada eýranly maslahatçylaryň bolmagy Tähran bilen Damaskyň arasynda baglanyşylan harby hyzmatdaşlyk baradaky ylalaşygyň bir bölegi bolup durýar” diýip, 28-nji awgustda Eýranyň habar agentlikleri brigada generaly Abolkasem Alinejadyň sözlerini sitirlediler. Habarda bu ylalaşyga iki ýurduň goranmak ministrleriniň hepdäniň ahyrynda gol goýandygy hem bellenilýär. Читать дальше...

Russiýa Ortaýer deňzinde ýene-de birnäçe söweş gämisini ýerleşdirdi. Rus media serişdeleri muny Orsýet 2015-nji ýylda Siriýanyň raýat urşuna goşulyşany bäri deňizde söweş gämileriniň ýerleşdirilmegi bilen baglanyşykly iň uly çäre diýip häsiýetlendirýärler. Bu harby güýçlendirme, Orsýetiň ýarany Siriýanyň prezidenti Başar al-Assadyň pitneçileriň kontrollugyndaky soňky iň uly enklawa, ýagny demirgazyk Idlib welaýatyna hüjümleri amala aşyrmaga taýýarlanýandygyna ynanylýan mahalyna gabat geldi. 28-nji... Читать дальше...

Türkmenistanda düýn, 28-nji awgustda “Türkmengurluşyk - 2018” atly halkara sergisi we “Türkmenistanyň gurluşyk pudagynyň ösüşi” atly maslahat açyldy.

21-nji awgustda Täjigistanyň Aşgabatdaky ilçihanasynyň öňündäki uly nobatda duranlaryň biri orta ýaşlaryndaky zenan huşuny ýitirdi. Bu barada Azatlyk Radiosyna şaýatlaryň birnäçesi habar berdi, şeýle-de bu ýagdaýy görkezýän wideo ýazgy gowuşdy.    “Ol ogluny okuwa ibermek üçin wiza aljak diýip, iki hepdeläp nobata durdy. Onuň nobaty ýetmän nerwiden agzyndan, burnundan gan geldi” diýip, şol gün ilçihananyň öňünde ýüze çykan ýagdaýa şaýat bolan adamlaryň biri Azatlyk Radiosyna gürrüň berdi.  Şaýatlar... Читать дальше...

Azatlyk Radiosyna gowşan wideo ýazgyda 21-nji awgustda ilçihananyň öňündäki uly nobatda duranlaryň biri 40-45 ýaşlaryndaky zenan huşuny ýitirip, tiz kömek ulagynda keselhana äkidilýär. Şaýatlar Lebap welaýatynyň ýaşaýjysy Gözel atly bu zenanyň ýolda aradan çykandygyny habar berdiler.

Saud Arabystanyna haj zyýaratyna giden türkmen zyýaratçylarynyň topary 27-nji awgustda Türkmenistana gaýdyp geldi.