Новости за 28.04.2020

Türkmenistanyň dürli künjeklerinde turan apy-tupandan soň, Lebap welaýatynyň Farap etrabynda ilatyň elektrik we tebigy gaz üpjünçiligi heniz gaýtadan dikeldilmedi. Adamlar köçede ojakda nahar bişirýärler. Bu barada "Turkmen.news" neşiri habar berýär.

Duşenbe güni Türkmenistanyň dürli künjeklerinde apy-tupan turdy. Azatlygyň sebitlerdäki habarçylarynyň sözlerinden we sosial medialarda paýlaşylan maglumatlardan çen tutulsa, iň köp Lebap welaýatynyň, hususanda merkezi Türkmenabat şäheriniň ejir çekendigine meňzeýär.

Azatlyk Radiosynyň Türkmenabatdaky çeşmeleriniň sözlerine görä, şäherde ýerleşýän karantin zonasy birden boşap galypdyr. Bu ýerde COVID-19 keseliniň bolmagy güman edilen ýüzlerçe adam saklanýardy. Bu ýagdaý BSG-niň missiýasynyň Türkmenistana sapar etmäge taýýarlanýandygy baradaky habaryň yzýanyna gabat gelýär.

Türkmenistanda ilatyň bank kartlaryndaky pul serişdelerini nagtlaşdyrmakda çekýän kynçylyklary dowam edýär. Baýramaly şäherinde bankomatlaryň öňünde nobata garaşýan adamlar öz aýlyk haklaryny para bilen nagtlaşdyrmaga razy bolýar.

Türkmenistanda dowam edýän azyk gytçylygynyň fonunda, Aşgabadyň döwlet dükanynyň resmileri her gün satuwa çykarylýan azyk önümleriniň käbiriniň möçberini mälim etdiler.

Özbek prezidenti Şawkat Mirziýoýewiň hem-de birnäçe döwlet edarasynyň ýurtda koronawirusyň ýaýramagyny haýallatmak babatyndaky tagallalaryny öwýän ýüzlerçe elektron hatyň arkasynda Daşkent şäher bilim bölüminiň resmileriniň duran bolmagy mümkin.

Geçen hepde Eýranyň ýarym resmi ILNA habar agentliginiň baş redaktory we sosial media dolandyryjysy ýurduň häkimiýetini kemsidýändigi aýdylýan karikatura sebäpli tussag edildi. Eýranyň iň ýokary ýolbaşçysyny masgaralaýan ýaly bolup görünýän karikaturanyň ILNA-nyň Telegram kanalyna ýerleşdirilenden gysga wagt soň aýrylandygy habar berildi. ILNA-nyň baş redaktory Masoud Heýdari girew goýmak esasynda tussaglykdan boşadyldy, ýöne habar agentliginiň Telegram kanalynyň dolandyryjysy Hamid Haghjoo tussaglykda saklanýar. Читать дальше...

Dünýäniň käbir ýurtlarynda koronawirus ýokuşanlaryň we bu wirusdan ölenleriň sany azalýan ýaly bolup görünýän mahaly, Ýewropadan Awstraliýa we Täze Zelandiýa çenli aralykdaky hökümetler, wirusyň gaýtadan döremek ähtimallygy bilen bagly gorkulara garamazdan, ykdysady basyşyň fonunda petiklemeleri seresaplylyk bilen gowşatmagy dowam etdirýärler. Wagtlaýyn üstünlikleriň nädip yza tesip biljekdiginiň alamaty hökmünde, Robert Koç institutynyň 28-nji aprelde beren maglumatyna görä, Germaniýada käbir... Читать дальше...

Özbegistanyň günorta-günbataryndaky Buhara sebitinde güýçli ýeliň turmagy netijesinde bir adam öldi we başga-da azyndan 30 adam ýaralandy. Şeýle-de, köp sanly agaç agdaryldy. 28-nji aprelde regional saglyk resmileri öten agşam ýurduň birnäçe günorta sebitinde dörän güýçli ýeliň dört sagatdan gowrak dowam edendigini we azyndan 140000 hojalygyň elektrik we tebigy gaz üpjünçiligini kesendigini aýtdylar. Ýeliň tizligi sagatda 90 kilometre ýetdi diýip, Döwlet meteorologiýa merkezi aýtdy. Özbegistanyň... Читать дальше...

Koronawirus pandemiýasy indiki ýyla çenli gözegçilik astyna alynmasa, onda 2021-nji ýyla geçirilen Tokio 2020 Olimpiýa oýunlary ýatyrylar diýip, guramaçylyk komitetiniň prezidenti duýdurdy. 24-nji iýuldan 9-njy awgust aralygynda geçirilmegi planlaşdyrylan Tokio oýunlary koronawirus sebäpli geçen aý bir ýyl yza süýşürildi. Tokio 2020-niň prezidenti Yoşiro Mori 28-nji aprelde Ýaponiýanyň “Nikkan Sports” gazetine beren interwýusynda dünýä pandemiýany ýeňmese, oýunlaryň 2021-nji ýyldan soň yza süýşürilip bilinmejekdigini aýtdy. Читать дальше...