Новости за 26.06.2021

Programmamyzyň dowamynda: Hepdäniň esasy temalaryna gysgaça synymyzy; Aşgabadyň dünýäde iň gymmat şäher saýlanmagy baradaky gepleşigimizi; hukuk goraýjy aktiwist we žurnalist Ogulsapar Myradowanyň galp aýyplamalar esasynda tussag edilmeginiň 15 ýyllygyna bagyşlanan ýörite interwýuny we beýleki maglumatlary diňläp, öz pikirleriňizi aýtmaga çagyrýarys.

“Talyban” söweşijileri Demirgazyk Owganystanda basyp alan ýerleriniň çägini giňeldýärler. Talyplar düýn Anthoý etrabynyň Garamgol we Gorgan etraplaryny birbada basyp aldylar. Ýöne strategiki nukdaýnazardan möhüm hasaplanýan Anthoý şäheriniň şu gün “Talyban” hüjümçilerinden yzyna gaýdyp alnandygyny ýerli resmiler aýtdylar. Bu barada Farýap welaýatynyň polisiýa edarasynyň metbugat wekili Abdul Kerim Ýuruş Azatlyk Radiosyna gürrüň berdi: “Düýn yza çekilen owgan güýçleri Anthoý etrabyna ýene hüjüme... Читать дальше...

Mary welaýatynyň administratiw merkezinde, barha ýitileşýän maliýe we azyk krizisiniň arasynda, soňky günleriň dowamynda taksi kireýleriniň nyrhy iň azyndan ýarym esse ýokarlandy. Bu onsuz hem pulsuzlykdan kösenýändigini aýdan ilata goşmaga urgy boldy. Şol bir wagtda, öz awtoulaglarynda adam gatnadýanlar nyrhy “alaçsyzlykdan” galdyrmaga mejbur bolýandyklaryny aýdýarlar. “Ozallar Maryda [takside] iki manada şäheriň islendik künjegine baryp bolýardy. Indi adam başyna üç manat bermeseň, ulaga hem mündürmeýärler. Читать дальше...

Russiýanyň daşary işler ministriniň orunbasary Sergeý Rýabkow ýakynda Birleşen Ştatlaryň Russiýadaky ilçisi Jon Sulliwan bilen duşuşmagy göz öňünde tutýandygyny aýtdy. Iki aý mundan ozal ABŞ bilen Russiýanyň arasyndaky ýaramazlaşan gatnaşyklarynyň arasynda, rus paýtagtyny terk eden Sulliwan Moskwa şu hepde dolanypdy. “Elbetde, gürrüňi ediljek esasy meseleleriň arasynda Russiýanyň Birleşen Ştatlardaky we ABŞ-nyň Russiýadaky missiýalarynyň işini durnuklaşdyrmak hem bolar” diýip, Rýabkow 26-njy iýunda rus habar serişdelerine aýtdy. Читать дальше...

BMG-niň ýadro gözegçilik edarasy Eýrandan wagtlaýyn ýadro gözegçilik şertnamasynyň möhletini uzaltmak boýunça hiç hili jogabyň bolmandygyny aýtdy. Atom energiýasy boýunça halkara agentligi bu barada 25-nji iýunda mälim etdi. Mundan öň, ABŞ we Fransiýa şertnamanyň möhletiniň uzaldylmazlygy 2015-nji ýyldaky ýadro ylalaşygyny dikeltmek baradaky alnyp barylýan gepleşiklere ýaramaz täsir ýetirip biljekdigini duýdurdylar. Atom energiýasy boýunça halkara agentliginiň we Eýranyň arasynda fewralda baglaşylan... Читать дальше...

ABŞ-nyň ozalky polisiýa ofiseri Derek Şauwin garaýagyz Jorj Floýdy öldürendigi üçin, 22,5 ýyl türme tussaglygyna höküm edildi. Geçen ýylyň maýynda afrikan-amerikaly Floýdyň öldürilmegi jynsy deňsizlik meselesiniň simwolyna öwrüldi we köpçülikleýin protestleriň geçirilmegine sebäp boldy. Sudýa Piter Kehil hökümi 25-nji iýunda Minneapolisda okady. Mundan öň, Floýdyň maşgalasy Şauwine iň uzak türme möhletiniň berilmegine çagyryp, duýguly çykyş etdi. Sudýanyň hökümi okamazyndan ozal, 45 ýaşly akýagyz... Читать дальше...

ABŞ-nyň prezidenti Jo Baýden 25-nji iýunda owgan prezidenti Aşraf Gani we Owganystanyň Raýdaşyk boýunça milli geňeşiniň başlygy Abdullah Abdullah bilen gepleşikleri geçirip, olara ýurtlarynyň geljegini özleriniň kesgitlemelidigini aýtdy. Baýden owgan liderlerini Ak Tamda garşylanda, olary “köne dostlarym” diýip atlandyrdy. Ol ABŞ-nyň ýolbaşçylygyndaky halkara güýçleriniň 20 ýyldan gowrak wagtdan soň Owganystandan dolulygyna çykarylmagy bilen, Birleşen Ştatlaryň Owganystana hemaýatynyň bes edilmejekdigini hem sözüne goşdy. Читать дальше...

​Saglyk resmisidigi aýdylýan aýal adam ýurtda koronawirus bilen bagly ölüm barada maglumat berýän erkegi prokuratura şikaýat etmek we jenaýat jogapkärçiligine çekdirmek bilen haýbat atýar.