Новости за 30.08.2021

Germaniýanyň Daşary işler ministri Heiko Maas Özbegistanyň Owganystanda "Talybanyň" häkimiýetinden gaçyp, uruş sebäpli heläkçilige uçran ýurtdan ewakuasiýa edilmegine mätäç we Germaniýa tarapyndan düzülen sanawa girýän adamlary üçin öz serhetlerini açmaga taýýardygyny aýtdy.

Türkmenistanda COVID-19 ozal görlüp-eşidilmedik derejede giňden ýaýraýar. Paýtagt Aşgabatda koronawirus bilen keselleýänler göz-görtele köpelýän mahaly, ondan ölýänleriň sany günde 70 adama ýetýär. Şäheriň hassahanalary näsaglardan dolan mahaly, käbir syrkawlar Yzgant obasyndaky täze keselhana ýerleşdirilip başlandy. Lebap welaýatynyň Türkmenabat şäherinde karantin çäklendirmeleri has-da güýçlendirilip, diňe dermanhanalardan we bir bazardan başga, söwda merkezleriniň we ilata hyzmat ediş nokatlarynyň tas ählisi ýapyldy. Читать дальше...

Tokioda geçirilen Olimpiýa oýunlarynda Türkmenistanyň adyndan çykyş eden agyr atletikaçy Polina Gurýewa ýurduň garaşsyzlyk taryhynyň ilkinji olimpik medalyny gazandy. Ýöne türkmen häkimiýetleri sport ussadynyň gazanan bu ýeňşi üçin prezidentiň ogly we wise-premýer Serdar Berdimuhamedowy taryplaýar. Türkmen resmileri “Serdar bolmadyk bolsa, medal hem bolmazdy” diýen pikirler öňe sürüp, ilat arasynda wagyz işlerini geçirýärler.

Pagta önümçiliginde ýyllarboýy mejbury zähmetden ýa-da çaga zähmetinden peýdalanýan Türkmenistanyň häkimiýetleri şu günler Lebap welaýatynda aliment üçin bergisi bolan raýatlary mejbury pagta ýygymyna çekýär. Bu barada Azatlyk Radiosynyň habarçysy 30-njy awgustda habar berdi.

Owganystanda “Talybanyň” ýowuzlygyndan we ar almagyndan howatyr edip müňlerçe adamyň ýurdy terk etmäge dyrjaşýan döwri, türkmen prezidenti “häzirki wagtdaky çylşyrymly epidemiologiýa ýagdaýlarynda bosgunlary kabul etmek baradaky çözgüde sagdyn çemeleşmelidigini” aýdyp, görnüşinden bosgunlary öz serhet çäklerine goýbermekden ýüz öwürdi. Ýatlatsak, mundan ozalam türkmen hökümeti jeňçilerden gaçyp türkmen serhedine sygynan owgan harbylaryny, bosgunlary, şol sanda etniki türkmenleri hem öz çäklerine geçirmändi. Читать дальше...

Ida tupany 29-njy awgustda tutuş Täze Orlean regionynda elektrik toguny kesdi. Luizianada bolup geçen iň güýçli tupanlaryň biri ABŞ-nyň günorta ştatynda weýrançylyk döretdi. Energetika kompaniýasy Entergy 400000 ilatly şäheriň “elektrik geçirijisine katastrofiki zeper” ýetendigi sebäpli toksuz galýandygyny we elektrik togunyň şäherdäki ýeke-täk generatordan gelýändigini aýtdy. Milli harasat merkezi (NHC) ýerli wagt bilen agşam sagat 8-e çenli tupanyň ojagynyň Täze Orleanyň günbatarynda bolandygyny aýtdy. Читать дальше...

Gazagystanyň günortasyndaky ýarag ammarynda dörän ýangyn zerarly bolan birnäçe partlamada ölenleriň sany ýene artyp, 14 adama ýetdi. https://www.azattyq.org/a/31433946.html 29-njy awgustda Gazagystanyň Adatdan daşary ýagdaýlar boýunça ministrligi ýangyn we partlamalar sebäpli weýran bolan binanyň galyndylaryndan jesediň tapylandygyny aýtdy. Iki adam dereksiz ýitdi. Žambyl sebitindäki harby desgada bolan partlamada 98 adam ýaralandy, olaryň ýarysyna golaýy ýangyna garşy göreşen Adatdan daşary ýagdaýlar ministrliginiň işgärleri. Читать дальше...

Ýewropa Bileleşigi, COVID-19 hadysalarynyň köpelmegine we ikitaraplaýyn gatnaşyklara degişli syýasy jedele jogap hökmünde ABŞ-dan gelen syýahatçylara çäklendirmeleri girizmekçi. Diplomatlaryň aýtmagyna görä, 30-njy awgustda ÝB Amerikanyň Birleşen Ştatlaryny raýatlary bileleşige goşmaça çäklendirmesiz syýahat edip biljek ýurtlaryň “ygtybarly sanawyndan” aýyrjakdygyny mälim eder. Sanawdan aýrylyp bilinjek beýleki ýurtlaryň arasynda Kosowa, Ysraýyl, Çernogoriýa, Liwan we Demirgazyk Makedoniýa bar. Читать дальше...

ABŞ-nyň goranmak ulgamlary Kabulyň howa menziline atylan birnäçe raketany saklap aldy. Bu ABŞ-nyň ýolbaşçylygyndaky goşunlaryň Owganystandan çykmagyny tamamlamak we ekstremistleriň hüjümleriniň howpy astyndaky ýaranlaryny ewakuasiýa etmek üçin tagallalaryň dowam edýän wagtynda ýüze çykdy. Amerikanyň Birleşen Ştatlarynyň Owganystandan ähli güýçlerini çykaryp, uruş sebäpli heläkçilige uçran ýurtdaky 20 ýyllyk missiýasyny doly tamamlamak möhletinden bir gün öň, 30-njy awgustda bolan hüjümde ölenler barada hiç hili habar gowuşmady. Читать дальше...

Owganystandaky häkimiýetiň duýdansyz üýtgemegi Merkezi Aziýanyň esasy güýçler bilen gatnaşyklaryna täsir ýetirer. Käbir adamlar ýakyn ýyllarda Russiýanyň sebitde täsiriniň artjakdygyna; Hytaý bilen ABŞ-nyň täsiriniň peselmeginiň mümkindigine ynanýarlar. ABŞ “Talybanyň” Owganystandaky ýeňşi Merkezi Aziýanyň esasy güýçler bilen gatnaşyklaryny nähili özgerder? Käbir bilermenleriň pikiriçe, ABŞ-nyň Owganystandan çykmagy Waşingtonyň Merkezi Aziýadaky abraýyna zyýan ýetirip biler, bu bolsa ABŞ bilen... Читать дальше...