Новости за 01.10.2021

Türkmenistanda koronawirus hadysalary möwjeýän mahaly, Mary welaýatynyň Baýramaly etrabynda wirus bilen keselleýän mekdep mugallymlary görnetin köpelýär. Bu ýagdaý orta mekdeplerde okuwçylaryň gündelik sapaklarynyň ýarysyny mugallymsyz synplarda, boş geçirmegine getirýär. Bu ýagdaýlaryň jikme-jikleri barada Azatlyk Radiosynyň habarçysy Marydan maglumat berýär. "Şu günler etrabyň mekdeplerinde köp mugallym koronawirus bilen keselläp, işe çykmaýar. Şol sebäpli alty sapak geçmeli okuwçylaryň adatça üç sapagy mugallymlar tarapyndan okadylýar. Читать дальше...

27-nji sentýabrda Türkmenistanda garaşsyzlygyň 30 ýyllygy uly dabara bilen bellenip geçildi. Dabaranyň guramaçylygyna müňlerçe býujet işgäriniň mejbury çekilendigi habar berildi. Bu aralykda, Özbegistanda hem türkmen-özbek dostlugyna bagyşlanyp çäreler geçirilýär. Özbek ýolbaşçylary şeýle çärelere býujet işgärlerini mejbury çekmekde türkmen kärdeşlerinden galyşmaýar.

Ynsan hukuklaryny berk çäklendirmekde we kemsitmekde tankytlanýan Türkmenistan adamlary jynsy ugurlary boýunça yzarlamagyny, ýanamagyny dowam etdirýär. Azatlygyň Lebapdaky habarçylary bu günler sebitde polisiýanyň iki erkek kişiniň bile oturanyny görse, olary jynsy gatnaşygy saklamakda aýyplap, soraga çekýändigini belleýär. Ýatlatsak, Türkmenistan özara razyçylyk esasyndaky bir jynsly gatnaşyklary jenaýat hasaplaýan az sanly ýurtlaryň hatarynda bolmagynda galýar.

Aşgabadyň mekdeplerinde okuwçylar üçin täze talap girizildi. Indi çagalar şahsy derman gapyrjagy üçin täze gaplaryny satyn almaga borçly edildi. Şahsy kömek enjamlary geçen ýyl Türkmenistanda koronawirus keseliniň köpelmeginiň fonunda girizilipdi, emma COVID-19-yň özüni ýurduň häkimiýetleri henizem resmi taýdan hasaba almady. Azatlygyň Aşgabatdaky habarçylary soňky täze talap barada jikme-jik habar berýärler.

Türkmenistanda ilatyň agramly bölegi, ýurtda dowam edýän ykdysady we azyk krizisiniň arasynda, döwlet dükanlarynyň subsidirlenen iýmit önümlerine garaşly galýan mahaly, paýtagtyň käbir sebitleriniň häkimiýetleri ýaşaýjylara indi un paýlarynyň berilmejekdigini duýdurdy. Döwlet dükanlarynyň işgärleri munuň sebäplerini ýurduň ammarlarynda unuň gutarandygy bilen düşündirýärler.

Türkmenistanda erkin maglumat akymyny berk çäklendirmekde tankyt edilýän türkmen häkimiýetleri şu günler ýurtda alternatiw maglumat çeşmelerini petiklemek synanyşyklaryny, hususan-da VPN hyzmatlarynyň öňüne geçmek tagallalaryny güýçlendirýärler. Häkimiýetler şeýle synanyşyklarynyň çäginde VPN hyzmatlaryny hödürleýän adamlary saklaýar.

Türkmenistanyň Kabuldaky Ilçisi Hoja Öwezow 29-njy sentýabrda Owganystanyň daşary işler ministriniň wezipesini ýerine ýetirýän Amir Han Muttaki bilen duşuşdy. Türkmen DIM-niň websaýtynda çap edilen habarda owgan resmisiniň Türkmenistanyň garaşsyzlygynyň 30 ýyllygyny gutlap, resmi Aşgabadyň owgan halkyna iberýän yzygiderli ynsanperwer hemaýaty üçin minnetdarlyk bildirendigi aýdylýar. Duşuşygyň barşynda taraplar iki ýurduň arasyndaky köpugurly hyzmatdaşlygy mundan beýläk-de ösdürmegiň derwaýyslygyny nygtap... Читать дальше...

Gürjüstanyň ozalky prezidenti Mihail Sakaşwili tussag edilip bilinjekdigi barada berlen polisiýa duýduryşlaryna garamazdan, sekiz ýyl aýralykdan soň, öz ýurduna gaýdyp gelendigini aýtdy. 1-nji oktýabrda Facebookda ýerleşdirilen wideoda Sakaşwili özüniň Batumi şäherindedigini habar berdi. Bu habary bada-bat tassyklap bolmady. Gürjüstanyň Içeri işler ministrligi bu beýannama bada-bat düşündiriş bermedi. Häzirki wagtda Ukrainada ýaşaýan Sakaşwili şu hepdäniň başynda 2-nji oktýabrda, Gürjüstanda... Читать дальше...

“Talyban” awgust aýynda Owganystany ele geçireli bäri "metbugata we söz azatlygyna giň çäklendirmeleri" girizdi diýip, adam hukuklaryny goraýan “Human Rights Watch” guramasy (HRW) aýdýar. Talyplaryň ýolbaşçylygyndaky hökümet sentýabryň aýagynda owgan žurnalistleriniň berjaý etmeli düzgünleriniň sanawyny hödürledi, tankytçylar bu düzgünleriň senzura we ýanamalara ýol açýandygyny aýdýarlar. "Talybanyň" yslam gymmatlyklaryna hormat goýýan habar beriş serişdeleriniň işlemegine rugsat berjekdigi barada beren wadalaryna garamazdan... Читать дальше...

Belarusda soňky günlerde sosial ulgamlarda çap edilen teswirler bilen baglylykda, döwlet işgärini kemsitmek we ýigrenji öjükdirmek aýyplamalary bilen, 50 töweregi adam tussag edildi diýip, Belarusyň “Wesna-96” adam hukuklary topary habar berdi. “Wesna” we Azatlyk radiosynyň Belarus gullugy tussag edilenleriň atlaryny we olaryň garyndaşlarynyň beren görkezmelerini çap etdi. Bu tutda-baslyklar IT kompaniýasynyň 31 ýaşly işgäri Andreý Zeltseriň we döwlet howpsuzlyk býurosynyň işgäriniň ölümine sebäp... Читать дальше...

Döwlet howpsuzlyk gullugynyň işgärleri 1999-njy ýylyň 16-njy fewralynda we 30-njy martynda Daşkentde bolup geçen terrorçylykly hüjümleri bilen baglanyşykly, 23 ýyl gözlenýän adamy tussag edip, Özbegistana getirdiler. Ýerli media bu habary Özbegistanyň Döwlet howpsuzlyk gullugynyň metbugat gullugyna salgylanyp çap etdi. Güýç gurluşlarynyň maglumatlaryna görä, 1969-njy ýylda Daşkent sebitinde doglan, Türküstan yslam hereketiniň agzasy bolan Ý.Ž. Özbegistan respublikasynda eden agyr jenaýatlary... Читать дальше...