Новости за 25.02.2022

Öňde durýan irki prezident saýlawlaryna syn etmek üçin Russiýadan Türkmenistana halkara synçylar topary geldi diýip, hökümetçi “Türkmenportal” neşiri Aşgabatdaky rus ilçihanasynyň metbugat gullugyna salgylanyp habar berýär. Synçylar Russiýanyň S7 awiakompaniýasynyň uçary bilen, 25-nji fewralda Moskwadan Türkmenabada gelipdir.

24-nji fewraldan 25-nji fewrala geçen gije Mary welaýatynyň Mary şäherinde jemagat hojalygyna degişli edaralaryň işgärleri daňdan sagat 7-ä çenli köçelerde arassaçylyk işlerini geçirdiler. Irden sagat 7-de şäheriň esasy köçeleriniň ençemesi ýapyldy. Köp adam iş ýerlerine daňdan sagat 5-de gitmeli boldy. Bu başagaýlyklar prezidentlige dalaşgär Serdar Berdimuhamedowyň Mara etmegine garaşylan saparyna görülen taýýarlyklaryň bir bölegidi. Ýöne bu giň gerimli taýýarlyklara garamazdan, S.Berdimuhamedowyň garaşylan sapary amala aşmady.

Mary häkimiýetleri býujet işgärlerinden ýene pul ýygnaýar. Bu barada Azatlyk Radiosynyň habarçysy 25-nji fewralda sebitden habar berdi.

Gurbanguly Berdimuhamedowyň mirasdary, onuň öz ogly, 40 ýaşly Serdaryň bolmagy örän ahmal. Ol eýýäm ençeme ýyl bäri döwletiň möhüm wezipelerini eýeläp gelýär, onuň ýurduň sebitlere eden sapary bolsa, döwlet ýolbaşçysynyň saparyna meňzeýärdi.

Türkmenistanda dowam edýän saýlaw möwsüminiň arasynda Azat Adalga "erkin we adalatly" saýlawlaryň käbir aýratynlyklaryny öwrenýär.

Halkara Jenaýat Kazyýetiniň prokurory Karim Han 25-nji fewralda Russiýanyň Ukraina çozmagyndan alada galýandygyny we kazyýetiň ýurtda bolup biljek uruş jenaýatlaryny derňäp biljekdigini aýtdy. "Ukrainanyň çäginde duşmançylyk edýän taraplaryň ählisine meniň edaramyň öz ygtyýarlyklaryndan peýdalanyp, genosid, adamzada garşy jenaýat ýa-da Ukrainada edilen uruş jenaýatlary boýunça derňew geçirip biljekdigini ýatladýaryn" diýip, Han öz beýanatynda aýtdy.  "Çaknyşyklaryň ähli taraplarynyň halkara ynsanperwerlik... Читать дальше...

Ýewropa Bileleşiginiň liderleri Russiýa garşy sanksiýalar toplumyny girizmek barada bir pikire geldi. Olar  bu sanksiýalaryň prezident Wladimir Putiniň Ukraina eden “wagşyçylykly” çozuşyna gaýtawul bermekde “uly we agyr netijeleriniň” boljakdygyny aýdýarlar.  Jeza çäreleri Russiýanyň maliýe, energiýa we transport pudaklaryny nyşana alýar, eksport we maliýeleşdirme mümkinçiliklerine girizilen çäklendirmeleri artdyrýar. Şeýle-de, ozal yglan edilen sanksiýalar sanawyna has köp rus raýatynyň ady goşulýar. Читать дальше...

Bütindünýä söwda guramasynyň Baş geňeşiniň 23-nji fewralda, Ženewadaky merkezi edarasynda geçirilen nobatdaky mejlisinde Türkmenistanyň bu gurama goşulmak baradaky ýüzlenmesi makullandy. Marrakeş ylalaşygynyň XII maddasyna laýyklykda, Türkmenistana BSG-ä goşulýan ýurt (işjeň synçy) derejesini bermek baradaky karar kabul edildi, bu derejäniň alynmagy bilen baglylykda, Türkmenistanyň BSG-ä goşulmagy baradaky iş topary döredildi diýip, resmi habarda bellenýär. TDH Türkmenistana BSG-de synçy derejesiniň 2020-njy ýylyň iýulynda berlendigini... Читать дальше...

Prezident Gurbanguly Berdimuhamedow bilen “Türkmenistan-ABŞ” işewürlik geňeşiniň ýerine ýetiriji direktory Erik Stýuartyň arasynda telefon söhbetdeşligi boldy diýip, TDH 24-nji fewralda habar berdi. Söhbetdeşligiň dowamynda hyzmatdaşlygyň häzirki ýagdaýy we özara gyzyklanma bildirilýän taslamalar ara alnyp maslahatlaşyldy, 2008-nji ýylda döredilen geňeşiň agzalary bolup durýan amerikan kompaniýalarynyň türkmen bazarynda strategik ähmiýetli ugurlarda üstünlikli işleýändikleri bellenildi. Döwlet eýeçiligindäki neşiriň ýazmagyna görä... Читать дальше...

Lebap welaýatynyň Türkmenabat şäherindäki hususy eýeçilikdäki dükanlarda çilimiň bahasy iki esse gymmatlady. Bu waka "Türkmenistany temmäkiden azat ýurda öwürmek boýunça 2022 — 2025-nji ýyllar üçin Milli maksatnamanyň" işlenilip taýýarlanylandygy baradaky habarlaryň yz ýanyna gabat geldi. Azatlyk Radiosynyň Lebap welaýatyndaky habarçysynyň maglumatyna görä, şu hepdäniň başynda çilimiň we temmäki önümleriniň bahasy iki esse ýokarlandy. "Türkmenabadyň hususy eýeçilikdäki dükanlarynda bir gutusy... Читать дальше...

Bir gün öň ýurda gury ýer, deňiz we howa arkaly Ukraina garşy hüjüme geçen Russiýa 25-nji fewralda paýtagt Kiýewiň eteklerine aralaşdy. Ukrainanyň prezidenti Wolodymyr Zelenskiniň ýaýradan maglumatlaryna görä, rus harbylary şäherlere we harby bazalara howa zarbalaryny urup, goşunlaryny we tanklaryny iberip, 137 parahat ýaşaýjyny we harby işgäri öldürdi. 25-nji fewralda irden ýaýradylan wideo prezident wepat bolanlary "gahrymanlar" diýip atlandyrdy we 24 sagatdan hem az wagt içinde söweşde 300-den gowrak adamyň ýaralanandygyny aýtdy. Читать дальше...