YD Filippinlerdäki heläkçilikli bombaly hüjümiň jogapkärçiligini öz üstüne aldy
“Yslam döwleti” ekstremistiki topar 3-nji dekabrda Filippinlerde katolikleriň toplanyşygynda amala aşyrylan heläkçilikli bombaly hüjüminiň jogapkärçiligini öz üstüne aldy.
Ýurduň günortasyndaky Marawidäki bir uniwersitet gimnaziýasyna edilen hüjümde azyndan dört adam heläk boldy, başga-da 50-si ýaralandy.
Filippinleriň prezidenti Ferdinand Markos Jr. bu hüjümiň “manysyz we daşary ýurt terroristleri tarapyndan amala aşyrylan iň aýylganç hereket bolandygyny” aýdyp, ony ýazgardy.
Polisiýa we harbylar ýurduň günortasynda we paýtagt Manilanyň töwereklerinde howpsuzlyk çärelerini güýçlendirdiler.