Новости за 01.12.2023

Birleşen Milletler Guramasy Gazadaky konfliktiň 1-ji dekabrda gaýtadan başlanmagyny “betbagtçylyk” hökmünde häsiýetlendirip ýazgardy we taraplary dowamly ýaraşyga çagyrdy.

Şu günler ýurduň gündogar sebitlerinde howanyň temperaturasynyň aşaklaýan mahaly, pagta ýygym möwsümi dowam edýär. Esgerler we býujet işgärleri heniz hem ýygym işlerine çekilýär.

Gazadaky alty günlük ynsanperwer arakesme tamamlanyp barýan mahaly, ABŞ we ÝB tarapyndan terror guramasy hökmünde kesgitlenen Hamas bilen Ysraýylyň arasyndaky ýaraşyk bir gün möhlet bilen uzaldyldy diýip, araçylyk edýän Katar 30-njy noýabrda tassyklady.

Mary welaýatynda halkara ugurlary boýunça ýük daşaýan goşa bakly ýük ulaglarynyň ikinji bakyny aýyrtmak talap edilýär diýip, bir sürüji Azatlyk Radiosynyň habarçysyna gürrüň berdi.

Birleşen Milletler Guramasy Gazadaky konfliktiň 1-ji dekabrda gaýtadan başlanmagyny “betbagtçylyk” hökmünde häsiýetlendirip ýazgardy we taraplary dowamly ýaraşyga çagyrdy. Birleşen Milletler Guramasynyň Ženewadaky ynsanperwer edarasynyň metbugat sekretary Ýens Laerke urşuň gaýtadan başlanmagynyň “Gaza zolagyna dowzahyň durmuşynyň dolanyp barýandygyny” aňladýandygyny aýtdy. Bir hepde töweregi dowam eden ýaraşygyň tamamlanyp, onuň möhletiniň uzaldylmazlygy bilen, Ysraýylyň söweş uçarlary Gazany gaýtadan bombalamaga başlady... Читать дальше...

Aşgabatda sarp edilen suw üçin töleg geçiren ýaşaýjylaryň ençemesi müňlerçe manat möçberindäki goşmaça tölegleri geçirmäge mejbur edilýär. Munuň sebäbi olaryň suw hasaplaýjylarynyň “Türkmendöwletstandartlary” baş döwlet gullugynda hasaba alynmandygy bilen düşündirýärler.

Şu günler Aşgabatda sarp edilen suw üçin töleg geçiren ýaşaýjylaryň ençemesi müňlerçe manat möçberindäki goşmaça tölegleri geçirmäge mejbur edilýär. Häkimiýetler munuň sebäbini ýaşaýjylaryň suw hasaplaýjy gurallarynyň “Türkmendöwletstandartlary” baş döwlet gullugynda hasaba alynmandygy ýa-da iki ýylda bir gezek barlagdan geçirilmändigi bilen düşündirýärler. Bu ýagdaýlar barada Azatlyk Radiosynyň habarçysy 1-nji dekabrda paýtagtdan maglumat berdi. “Öýlere aýlanýan “Aşgabatagyzsuw” kärhanasynyň işgärleri... Читать дальше...

Şu günler ýurduň gündogar sebitlerinde howanyň temperaturasynyň aşaklaýan mahaly, pagta ýygym möwsümi dowam edýär. Esgerler we býujet işgärleri heniz hem ýygym işlerine çekilýär. Azatlyk Radiosynyň habarçylary Lebap welaýatynyň Çärjew etrabynyň Watan, Azatlyk, Guşçular, Ýasydepe we Lebap daýhan birleşiklerindäki gowaça meýdanlarynda pagtanyň ep-esli azalandygyny, ýygymçylaryň köplenç ýere dökülen pagta hasylyny ýygnaýandyklaryny habar berýär. Ýerli häkimiýetler ýygym möwsüminiň 12-nji dekabra çenli dowam etdiriljekdigini aýdýarlar. Читать дальше...

Rumyniýanyň ýokary okuw jaýlarynda Türkmenistanyň 300-den hem aşa raýaty bilim alýar. Bu barada Türkmenistanyň söwda we daşary ykdysady aragatnaşyklar ministri Begenç Goçmollaýew mälim etdi diýip, ýarym-resmi internet neşirleri habar berýär. Çoçmollaýew bu barada Aşgabatda geçirilen Rumyniýanyň güni dabarasynda mälim etdi we türkmen talyplarynyň esasan nebit-gaz pudagy bilen ilteşikli hünärleri saýlaýandyklaryny aýtdy. 2023-nji ýylda Türkmenistanyň we Rumyniýanyň Bilim ministrlikleriniň arasynda Hyzmatdaşlyk programmasyna gol goýuldy. Читать дальше...

Türkmenistanda saglyk edaralarynyň işgärleri ýene-de basyşa sezewar bolýarlar. Lukmanlara möhleti geçen we geçip barýan dermanlar paýlanyp, olardan şol dermanlary satmak talap edilýär. Lukman öz aýlygyndan esli agdyklyk edýän mukdardaky dermanlary satmak işine şepagat uýalaryny we beýleki işgärleri çekmäge mejbur bolýar. Azatlygyň habarçylary Balkan welaýatyndaky ýagdaý barada habar berýärler. "Bir tarapdan möhleti geçen dermanlary adamlara satmaga ýüregim etmeýär, başga tarapdan alajym ýok. Biziň maşgalamyz bar näme etmeli?! Aýlyk ujypsyz... Читать дальше...

BMG-niň howa boýunça agentligi 2023-nji ýylyň degişli hasabyň ýöredilip başlanaly bäri rekord derejedäki iň yssy ýyl bolandygyny aýdýar. Mundan başga-da, Bütindünýä Meteorologiýa Guramasy suw joşmalary, tokaý ýangynlary, buzlaryň eremegi we gyzgyn howa tolkunlary ýaly ýagdaýlaryň artmagy bilen bagly alada dörediji trendler barada duýdurdy. Şeýle-de gurama dünýädäki ortaça temperaturanyň senagat döwründen ozalky döwür bilen deňeşdirilende, ýylda selsiý boýunça 1.4 dereje ýokarlanandygyny aýtdy.

1-nji dekabrda Türkmenistanyň prezidenti Serdar Berdimuhamedow klimat boýunça COP28 sammitine gatnaşmak üçin Dubaýa geldi. Türkmenistan ýangyç-energetika desgalaryndan syzyp çykýan metan zyňyndylary bilen howany hapalamakda dünýä ýurtlarynyň arasynda öňe saýlanýar. Muňa garamazdan, türkmen hökümeti daşky gurşawy gorap saklamak tagallalaryny özüniň ileri tutýan ugurlarynyň biridigini öňe sürýär. BMG-niň Howanyň üýtgemegi boýunça Çarçuwaly konwensiýasyna gatnaşyjylaryň (Cop28) sammiti 30-njy noýabr-12-nji dekabr aralygynda geçýär. Читать дальше...

Gazagystanyň kanunçykaryjylary köpçülikleýin habar serişdeleri baradaky täze kanuna girizilmegi göz öňünde tutulýan jedelli goşmaçalary birinji diňlenişikde oňladylar. Täze düzediş raýatlara habar çap bolandan soňra üç ýylyň içinde töhmet barada arz etmäge mümkinçilik berýär. Häzirki bar bolan kanunda bular ýaly şikaýat üçin wagt çägi göz öňünde tutulmadyk. Žurnalistleriň hak-hukuklaryny goraýjy guramalar žurnalistlere we media serişdelerine töhmet baradaky şikaýaty bermek möhletiniň bir ýyl diýip kesgitlenilmelidigini aýdýarlar. Читать дальше...