Gazak aktiwisti huligançylykda aýyplanyp 15 gün tussaglyga höküm edildi

7-nji dekabrda Astananyň sudy hasaba alynmadyk “Alga Gazagystan” (“Öňe Gazagystan”) oppozision partiýasynyň agzasy Aýdar Syzdykowy huligançylyk aýyplamalary esasynda 15 gije-gündiz tussaglyga höküm etdi.

Aktiwist aýyplamalaryň syýasy matlaplydygyny aýdyp, olary ret etdi.

Syzdykow we partiýanyň ýene bir agzasy Aset Abişew mundan bir gün öň, tussaglyk merkeziniň golaýynda özleriniň başga bir egindeşiniň azatlyga çykmagyna garaşyp duran mahaly saklanypdylar.

Abişewiň huligançylyk aýyplamalary boýunça sud diňlenişigi indi geçmeli.

Geçen hepde Astananyň sudy “Alga Gazagystan” partiýasynyň başlygy Marat Žylanbaýewi ekstremizm aýyplamalary esasynda ýedi ýyl türme tussaglygyna höküm etdi. Ol hem bu aýyplamanyň syýasy matlaplydygyny aýdyp, muny ret etdi.