Новости за 19.06.2021

(Казан, 19 июнь, «Татар-информ»). Кеше S-аксымга антитәнчекләре булганда коронавирус инфекциясе белән авырмаячак, — дип белдерде Гамалея исемендәге Эпидемиология һәм микробиология фәнни-тикшеренү үзәге директоры Александр Гинцбург. Бу хакта РИА Новости хәбәр итә. «Билгеле бер дәрәҗәдә мондый антитәнчекләр булганда, кеше „Ухан“ коронавирусы белән дә, Һиндстан штаммнары белән дә авырмаячак», — диде Гинцбург.    Ул билгеләп үткәнчә, антитәнчекләрне тикшерү өчен иң кулай тестлар — «Вектор-Бест» һәм «Ниармедик».

(Болгар, 19 июнь, «Татар-информ», Зилә Мөбәрәкшина). Татар галиме, мәгърифәтче Каюм Насыйрине якташлары күрше авылы кызына өйләндергән булганнар, әмма ул бер ай да тормыйча аерылган. «Сәбәбе — фәнни эш белән шөгыльләнә алмауда», — дип сөйләде Болгар ислам академиясенең ислам мирасы үзәге директоры Сөләйман Рәхимов. Дин белгече сүзләренчә, Каюм Насыйриның якташлары күрше авылдан иң чибәр кызны алып килеп, өйләндерәләр. Ул вакытта галимгә кырык яшь чамасы була. «Бер ай да үтми, Каюм Насыйри мәҗлес җыя һәм яшь кызның әтисенә... Читать дальше...

(Болгар, 19 июнь, «Татар-информ», Гадел Әхмәтҗанов). Мәскәү дәүләт университетының өлкән мөгаллиме, шәрык белгече Анна Беликова фикеренчә, бүгенге көндә журналистлар дингә кагылган темаларга язарга курка. «Журналистка дини темалар бирелгәндә, ул куркып кала. Моны аңларга да була, чөнки диндә бик күп төшенчәләр бар. Журналист шушы төшенчәләрне дөрес кулланырга тиеш. Ә бу бик катлаулы. Журналист терминнарда буталудан, теманы дөрес яктыртмаудан курка», — диде ул Болгар ислам академиясендә «Ислам һәм... Читать дальше...

(Болгар, 19 июнь, «Татар-информ», Зилә Мөбәрәкшина). Латин Америкасы Төркиядә төшерелгән сериалларны сатып алып күрсәтә башлаган. Бу хакта шәрык белгече, Мәскәү дәүләт университетының өлкән мөгаллиме Анна Беликова әйтте. «Без әти-әниләр белән Латин Америкасы сериалларын карый идек. Ул якны сериалларның ватаны дип тә атап була. Хәзер Латин Америкасы Төркия сериалларын сатып ала башлаган», — диде ул «Ислам һәм массакүләм мәгълүмат чаралары» дигән квалификацияне күтәрү курсларында. Аның фикеренчә, бу... Читать дальше...

Ключи от новых автомобилей накануне Дня медицинского работника на площадке «Казань Экспо» вручил Президент РТ Рустам Минниханов.

(Казан, 19 июнь, «Татар-информ», Павел Климчак). Кичә көндез Тукай районының Борды авылында 15 яшьлек үсмер югалган. Бу хакта «Татар-информ»га үз хәбәрчесе Валентин Кулагин хәбәр итте.  Соңрак үсмернең батып үлүе ачыклана, аның мәетен алтынчы зона-коткару отряды водолазлары табып ала. Яр буенда аның кием-салымын һәм телефонын, шулай ук элек танышларыннан сорап торган велосипедын тапканнар. Шаһитлар сүзләренә караганда, яшүсмер йөзә белмәгән. Баланың әтисе улы бик тыңлаучан булганлыгын, беркайчан да соң кайтмаганлыгын сөйләгән. Читать дальше...

(Истанбул, 19 июнь, «Татар-информ», Рушания Алтай). КФУның Филология һәм мәдәниятара багланышлар институты галимәсе Флера Сәйфуллина Төркиянең Ататөрек исемендәге университет оештырган халыкара симпозиумда татар мәгърифәтчелек әдәбиятында хатын-кыз иреге мәсьәләсе турында чыгыш ясады. «Татар мәгърифәтчелек әдәбиятында хатын-кыз иреге мәсьәләсе» дип исемләнгән докладында галимә хатын-кыз хөрлеге белән бәйле теманы Муса Акъегет, Риза Фәхретдин, Гаяз Исхакый, Заһир Бигиев, Фатих Кәрими әсәрләре аша ачып бирде. Читать дальше...

(Болгар, 19 июнь, «Татар-информ», Гадел Әхмәтҗанов). «Татмедиа» акционерлык җәмгыяте генераль директоры Шамил Садыйков Болгар ислам академиясе белән берлектә квалификация күтәрү курсларын Россия журналистлары өчен дә үткәрергә тәкъдим итте. «Узган ел без Болгар ислам академиясе белән үзара хезмәттәшлек турында килешү төзедек. Кичә журналистлар өчен квалификация күтәрү курслары башланды. Бу бик мөһим эш. Чөнки алар Ислам турында аз белә. Казандагы ыгы-зыгыдан бераз ял итеп, журналистлар Болгарда ислам мәдәнияте белән таныша. Читать дальше...

(Болгар, 19 июнь, «Татар-информ», Зилә Мөбәрәкшина). Шәрык белгече, Мәскәү дәүләт университетының өлкән мөгаллиме Анна Беликова фикеренчә, дин белән милләт төшенчәләрен бутау профессиональ яктан дөрес түгел. «Дини традиция һәм милләт традициләре бар. Аларны бутамасыннар иде. Кеше милләтен, ата-бабаларын, килеп чыгышын, шәҗәрәсен, бабабалары нинди дин тоткан — шул белешмә белән кызыксынырга тиеш. Әмма кешегә милләтең турында белмисең, дип бәйләнү дөрес булмас», — диде ул. Анна Беликова үзеңнең килеп чыгышың белән горурланырга кирәк диде. Читать дальше...

Глава Нурлатского района лично ознакомился с организацией детского отдыха в лагере «Заречный».

(Казан, 19 июнь, «Татар-информ», Павел Климчак ). Бүген төнлә Казанда 12нче шәһәр хастаханәсенең кислород станциясе эшендә җитешсезлекләр барлыкка килгән. Бу хакта «Татар-информ»га ТР Сәламәтлек саклау министрлыгының матбугат хезмәтендә сөйләделәр. Кислород белән тәэмин итү шунда ук кислород баллоннарына күчерелә. «Потенциаль хәвеф-хәтәрләрне булдырмас өчен пациентларны куркынычсыз транспортлау турында карар кабул ителде. Табиб бригадалары озатуында алар якындагы дәвалау оешмаларына күчерелде»... Читать дальше...

(Казан, 19 июнь, «Татар-информ»). Кулланучы хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе җитәкчесе Марина Патяшина Татарстанда эпидемиологик хәл начарайган очракта мәҗбүри вакцинация кертелү ихтималын әйтте. Бу хакта ул ТР Хөкүмәте Йортында узган киңәшмәдә белдерде. Киңәшмәне барлык муниципаль районнар белән видеоконференция элемтә режимында Татарстан Республикасы Президенты Рөстәм Миңнеханов уздырды. Бу хакта республика җитәкчесенең матбугат хезмәте хәбәр итә. Читать дальше...

С начала этой недели сельские дети учатся плавать в бассейне «Тулпара».

(Болгар, 19 июнь, «Татар-информ», Зилә Мөбәрәкшина). Болгар ислам академиясенең ислам мирасы үзәге директоры Сөләйман Рәхимов татар галиме, мәгърифәтче Шиһабетдин Мәрҗанине җәдитче булмаган дип саный. Бу хакта ул журналистлар өчен «Ислам һәм массакүләм мәгълүмат чаралары» дигән квалификацияне күтәрү курсларында сөйләде. Кадимчелек — гасырлардан килгән традицияләрне саклап калуга юнәлдерелгән система. Җәдитчелек –мәдрәсәләрдә иске укыту системасын заман таләбенә туры китерү хәрәкәте. «Мәрҗани җәдитче булмаган. Читать дальше...

(Казан, 19 июнь, «Татар-информ», Никита Васильев). Бүген, 19 июньдә, Татарстанда коры һәм кояшлы һава торышы саклана. Шул ук вакытта температура фонының артуы көтелә, дип хәбәр итә ТР Гидрометеорология үзәге. Республикада алмашынучан болытлы һава торышы көтелә, явым-төшем күзәтелми. Төньяк-көнбатыштан һәм көнбатыштан талгын җил фаразлана. Вакыты белән ул секундына 15 метрга кадәр көчәячәк, дип искәртә синоптиклар.  Көндез +24, +29 градуска кадәр җылытачак. Элегрәк «Татар-информ» Татарстанда ял көннәрендә... Читать дальше...

Проект «Нурлат: в стиле этно» для свободной творческой инициативы всех жителей Нурлатского района.

В ближайшие годы в Нурлат придёт качественная питьевая вода.

(Әлмәт, 19 июнь, «Татар-информ», « Әлмәт таңнары »). Әлмәттә 10-11 июль көнне 12:00–20:00 сәгатьләрдә «Печән базары» фестивале узачак. Фестивальне оештыручылар дизайнерлар, фермерлар, шәһәрчеләр, артистлар һәм татар шәһәр мәдәниятенә битараф булмаган шәхесләр — барлык әлмәтлеләрне «Печән базары»на чакыра. Фестиваль кунакларын милли дизайн үрнәкләре, кызыклы лекторийлар, автор экскурсияләре, остаханәләр, альтернатив музыка сәхнәсе һәм башка яңалыклар көтә.  Фестивальдә катнашырга теләүче фермерлардан һәм дизайнерлардан  гаризалар  кабул ителә.

(Тәтеш, 19 июнь, «Татар-информ», «Тәтеш таннары» ). Тәтештән Ирина һәм Сергей Тойкиннарны күпләр белә, тик аларның ясалма ротангтан төрле әйберләр үрүләре кайбер шәһәрлеләр өчен ачыш булачак. «Ротангтан үрелгән җиһазларга мәхәббәт күптән „килеп чыкты“, ә аны тормышка ашыру — минем зур хыялым иде. Башта нидән башларга белмәдем, һәм 3 ел элек җиһаз үрү буенча укыту курслары турында белеп алдым. Озак уйламадым. Иремне укырга күндердем, кешеләрдән акча алып тордым, бөтен кирәкле материаллар һәм эш кораллары сатып алдым. Читать дальше...

(Чирмешән, 19 июнь, «Татар-информ», « Безнең Чирмешән », Кадрия Гамирова). Чирмешән районында яшәүчеләрнең торак-коммуналь түләүләр буенча 1 200 000 сумнан да артык бурычы җыелган. Ел башына бу хезмәтләр өчен бер миллион 400 мең сум тирәсе бурычлы булганнар. Иң зур бурыч каты көнкүреш калдыклары өчен җыелган, ул — 649 мең сум. Су өчен халык 275 мең сум тиеш, торак милекчеләре ширкәтенә бурыч 280 мең сум тәшкил итә. Чирмешән авыл җирлегендә яшәүчеләрнең бурыч өлеше иң күбе, алар барлык хезмәтләр өчен 967 мең сум тиеш... Читать дальше...

(Казан, 19 июнь, «Татар-информ»). Түбән Кама телерадиокомпаниясе (НТР) медиахолдингы Түбән Кама студентлары һәм мәктәп укучылары өчен җәйге медиамәктәп оештырды. Бу турыда Түбән Кама муниципаль районы рәсми сайты нда хәбәр ителә. Бу — журналист булырга хыялланган кешеләр өчен уникаль проект. Биредә балалар үзләрен телевидениедә, радиода, газетада һәм интернетта сынап карый алачак. НТРның моның өчен бөтен мөмкинлекләре бар, ә иң мөһиме — биредә яшьләр белән осталык серләрен уртаклашырга әзер булган профессионаллар эшли. Читать дальше...

(Саба, 19 июнь, «Татар-информ», « Саба таңнары »). Саба районы Эзмә авыл җирлегенең Өтернәс авыл клубы хезмәткәрләре туган як мәдәниятен, гореф-гадәтләрен саклап калу максатыннан авылдашлар өчен «Кичке уен» бәйрәме үткәрде. Программага татар халык җырлары, биюләр, дәртле уеннары, ярышлар һәм чәй өстәле кертелгән. Очрашу күңелле узды. Кичке якта ярда үткәрелгән чара ахырында өлкән яшьтәге кешеләрнең яшь чакларында бераз гына булса да кайтып, шул чор атмосферасына чумып кайтты.

Төмәндә Булат Сөләйманов истәлегенә багышланган чараларда Себер татарларының теле һәм милли үзбилгеләнүе мәсьәләләре каралды. Казан татарлары мәдәнияте тәэсире аркасында Себер татарлары үз милли үзенчәлекләрен югалта, гади татарга әйләнеп бара дигән фикерләр яңгырады.