Новости за 09.12.2022

Мәскәү өлкәсенең Химки шәһәрендә урнашкан «МЕГА Химки» сәүдә үзәгенең OBI кибетендә янгын чыккан. Бу хакта Россия гадәттән тыш хәлләр министрлыгының төбәк буенча Баш идарәсенә сылтама белән РИА Новости хәбәр итә.

Түбән Камадан махсус хәрби операция зонасына чираттагы гуманитар ярдәм партиясе җибәрелде.

Декабрь аенда Татарстан үзмәшгульләренә бушка «Южный» сәүдә үзәгендә һәм «Парк Хаус» сәүдә үзәгендә җиһазландырылган сәүдә урыннары тәкъдим итәчәкләр. Яңа ел ярминкәләре «Кече һәм урта эшкуарлык һәм шәхси эшкуарлык инициативасына ярдәм» илкүләм проекты буенча оештырылачак.

Чаллы шәһәре Советының чираттагы сессиясендә пенсионерларны бакчаларга бушлай йөртү мәсьәлә буенча депутатлар бертавыштан карар кабул итте.

Яшел Үзәннең Норлат авылында яшәүчеләр хәрби махсус операциядә катнашучылар өчен гуманитар ярдәм җыюда беренче көннән үк теләп кушылды. Алар булышуның төрле юлларын эзли. Маскировка челтәрләренең махсус хәрби операция зонасындагы иң мөһим әйберләрнең берсе булуын аңлап, үз көчләре белән бу эшкә алындылар. Бу хакта «Яшел Үзән» хәбәр итә.

Түбән Камада иң яхшы Яңа ел бизәлешенә конкурс башланды. Бу хакта шәһәр җитәкчеләренең атналык планеркасында территориаль иҗтимагый үзидарә советы җитәкчесе Әлфинә Сөнгатуллина хәбәр итте.

Апас районында барлыгы 2243 мөмкинлеге чикле кеше яши. Алар арасында 64 бала, 52 коляскалы инвалид бар. Халыкара инвалидлар ункөнлеге кысаларында, аларга багышлап, районда күп төрле спорт чаралары, түгәрәк өстәлләр, очрашулар оештырылды.

10 декабрь – Халыкара кеше хокуклары көне. Казандагы сәяси активистларның күпчелеге соңгы елларда булган эзәрлекләнүләрдән соң Русиядән китте. Шулай да сирәк булса да, Казанда ниндидер пикетлар, акцияләр уза. Халыкара кеше хокуклары көне алдыннан Азатлык аларны оештыручыларның берсе белән сөйләште.