Новости за 13.07.2023

Татарстанга елына егерме Ту-214 самолеты җитештерү бурычын куеп, ил җитәкчелеге республикага ышанычын раслады, дип ышана ТР Рәисе Рөстәм Миңнеханов. ОТР телеканалына биргән интервьюсында ТР Рәисе Татарстанның бу бурычны, гади булмаса да, үти алачагына ышандырды.

Глава Нурлатского района посетил объекты Новоамзинского сельского поселения.

Бүген VI чакырылыш Татарстан Дәүләт Советы язгы сессиянең йомгаклау утырышын уздырачак, аннан соң парламент каникуллары башланачак. Дәүләт Советының 45 нче утырышында депутатлар 2023 елның беренче яртыеллыгы эшенә йомгак ясаячак.

«Татнефть» хәйрия фонды Татарстан Язучылар берлеге белән берлектә игълан иткән әдәби конкурска нәтиҗәләр ясалган. Конкурста 97 профессиональ һәм һәвәскәр автор катнашкан. Алар арасыннан 22 лауреат һәм 10 дипломант билгеләнгән.

Бу атнада Бөтенроссия Спас ярминкәсен уздыру буенча оештыру комитетының беренче киңәйтелгән утырышы узды. Быел XVI Спас ярминкәсе 4-6 август көннәрендә үткәрелә, дип хәбәр итә «Алабуга нуры» газетасы.

«Булгария» теплоходының Идел елгасы төбенә китүенә бүген унике ел тулды. Изге Болгар җиренә сәяхәткә чыккан 201 пасcажирның 122сенең гомере өзелгән бу теплоходта фаҗигале төстә һәлак булучылар арасында кайбычлылар да бар иде, дип яза «Кайбыч таңнары» газетасы.

Питрәчтә сәламәтлек ягыннан мөмкинлекләре чикләнгән балаларны тәрбияләүче гаиләләр өчен «бушлай социаль такси» хезмәте гамәлдә. Бу хакта «Алга» газетсы яза.

Быел Зәй районы студентлар отрядлары штабы базасында «Төньяк яр» отряды төзелде. Отряд әгъзалары «Камчатка-2023» төбәкара студентлар хезмәт проектына сайлап алу туры үтте, дип хәбәр итә «Зәй хәбәрләре» газетасы.

Чирмешән район прокуратурасы бинасы алдында Бөек Ватан сугышы ветераны, юридик фәннәр кандидаты, РСФСР ның атказанган юристы, ТАССРның элеккеге прокуроры Идият Хәмидуллинга бюст ачылды. Бу хакта «Безнең Чирмешән» газетасы яза.

Европаның абруйлы оешмасы Русияне милләтләр хокукларын кысуда гаепли. Азатлык сөйләшкән белгечләр бу гамәлнең соң булуына кызганып карый. Шулай да кабул ителгән резолюция зур әһәмияткә ия һәм ул Русия халыклары проблемнарын хәл итүдә уңай роль уйнаячак, дип саный алар.