Новости за 26.03.2024

Бүген, 26 мартта, көньяктан килгән циклон Татарстанда һава шартларының начарлануына китерәчәк. Температура фоны бераз төшәчәк, дип хәбәр итә ТР Гидрометеоүзәге.

Әлмәт студентлары төбәккә туристларны җәлеп итү өчен үз идеяләрен тәкъдим иттеләр. Алар үз проектларын музейда узган очрашуда тәкъдим иттеләр. Бу хакта «Әлмәт таңнары» хәбәр итә.

Саба районы Төбәк авылы хатын-кызлары махсус хәрби операциядәге егетләргә кулдан токмач кисүне оештырды. Бу хакта http://saby-rt.ru/ хәбәр итә.

Актанышта Тантаналар залында 22 мартта зур бәйрәм узды. 2024 елда Актаныш, Аеш, Яңа Кадермәт авылларында яшәп алтын, зөбәрҗәт, тимер туйларын каршылаган парларны Актаныш районы башлыгы Ленар Зарипов тәбрик итте. Бу хакта «Актаныш» сайтында хәбәр ителә.

Минзәлә районы Урыс гомумбелем бирү мәктәбендә язгы «Мәрхәмәт» атналыгы бара. Аның кысаларында мәктәптә хәйрия ярминкәсе дә оештырылган. Бу хакта «Минзәлә» сайтында хәбәр ителә.

Балтач районы Шода авылы мәчетендә Җәмил хәзрәт ярдәме белән зурлап ифтар мәҗлесе уздырганнар. Шулай ук «Якты юл» җәмгыяте ит белән ярдәм иткән. Бу хакта «Хезмәт» сайтында хәбәр ителә.

Кырымтатар халкының Милли Мәҗлесе рәисе урынбасары Илми Умеров Кырым аннексиясендә Мәскәүнең Татарстанны ничек куллануы турында Азатлыкка сөйләде.