(Казан, 11 сентябрь, «Татар-информ»). Татарстан сайлауларга җитди әзерләнгән. РФ Үзәк сайлау комиссиясе башлыгы Элла Памфилова Роспотребнадзор җитәкчесе Анна Попова һәм ТР Үзәк сайлау комиссиясе рәисе Андрей Кондратьев катнашында РФ Үзәк сайлау комиссиясенең мәгълүмат үзәге эфирында чыгыш ясаганда шундый фикер җиткерде. «Без сезгә рәхмәт белдерәбез. Җитди эш башкарылган. Сайлауларның ничек узачагын карарбыз», - диде ул. Бүген Татарстанда ТР Президенты һәм муниципаль депутатлар, шулай ук РФ Дәүләт Думасына һәм ТР Дәүләт Советына сайлаулар башланды. Барлык сайлау участокларында килгән кешеләргә битлекләр һәм перчаткалар тараталар, шулай ук температураны үлчиләр. Моннан тыш, Татарстанда сайлау комиссияләренең барлык әгъзаларын да барлык авырулардан 500 мең сумга иминиятләштергәннәр, шул исәптән Covid-19 коронавирусыннан да. «Комиссиянең барлык әгъзалары, бу Үзәк сайлау комиссиясе рәисеме яки участок сайлау комиссиясе әгъзасымы, кем булуга карамастан, иминиятләштерелгән», - диде Кондратьев.
