Казан, 11 март, «Татар-информ», Гөлнар Гарифуллина). Уҗымнарның торышы язгы кыр эшләреннән соң билгеле булачак. Татарстан авыл хуҗалыгы һәм азык-төлек министрының беренче урынбасары Наил Залаков «Татар-информ» агентлыгында матбугат конференциясендә уҗымнарның сыйфаты яз ничек килүгә бәйле булачагын әйтте. «Көзге уҗымнарның ничек кышлавы безне беренче чиратта борчый. Чебешләрне көз көне саныйлар. Уҗымнарның торышы да язгы кыр эшләреннән соң билгеле булачак. Бүгенгә шикәр дә, кырларда кар да нормада. Яз нинди булуга караячак. Иң зур куркыныч — язгы кырау», — диде Наил Залаков. Ул аграрийлар уҗымнарны тукландыруга, төп чараларга әзер булуын билгеләп узды. «Әзерлек бүген 90 процент. Тукландыру өчен ашлама сатып алынган, бүген ул, былтыргыга караганда, 15 килограммга күбрәк. Аграрийлардан торганы барысы да эшләнәчәк. Һава шартлары әлегә билгесез», — диде.