Депутатлар үз бизнесын оештырырга җыенучы хатын-кызлар өчен кайнар элемтә уздыра
(Казан, 8 декабрь, «Татар-информ»).ТР Дәүләт Советының «Мәрхәмәт-Милосердие» депутатлар берләшмәсе хатын-кызларның үзмәшгульлеген һәм эшкуарлык эшчәнлеген үстерү мәсьәләләре буенча кайнар элемтә уздырачак. Бу хакта республика парламенты матбугат хезмәте хәбәр итә.
«Депутатлар хатын-кыз эшмәкәрләрнең һәм үз бизнесын оештырырга җыенучыларның сорауларына җавап бирәчәк. Хатын-кызларларның эшкуарлык эшчәнлегенә һәм үзмәшгульлегенә ярдәм итүне төп бурыч итеп куйган кайнар телефон линиясе үз эшен җомга көнне, 10 декабрьдә, башлап җибәрәчәк», — диделәр ТР Дәүләт Советы матбугат хезмәтендә.
«Хатын-кыз игътибары» кайнар линиясе республика халкы белән элемтәнең мөһим инструментына әверелде. Әлеге акция кысаларында кергән йөзләгән шалтырату гаилә-көнкүрештә көч куллану, көндәлек тормышта иминлек сакланмау һәм конфликтлар, хатын-кыз сәламәтлеге, хезмәт хокукларын саклау, белем бирү учреждениеләренә балаларны урнаштыру, пандемия чорында социаль ярдәм, мәктәп туклануын оештыру мәсьәләләрен хәл итәргә ярдәм итте.
Кайнар линия телефоны — 238-10-00, шалтыратулар 10 декабрьдә 13.00 сәгатьтән 16.00 сәгатькә кадәр кабул ителә.