(Казан, 28 декабрь, «Татар-информ»). Россиядә ипотека ставкалары бераз артачак, әмма күчемсез милек бәяләре җитди темп белән үсмәячәк. «Бездә күчемсез милек бәяләре нык артты, хәзер бу югары ноктаны уздык», диде Үзәк банк җитәкчесе Эльвира Нәбиуллина «Россия-24» телеканалы эфирында. Knight Frank мәгълүматлары буенча, Россиядә өченче кварталда икенчел базарда квадрат метр бәясе 14,6 процентка артты, бу 7,7 процент инфляцияне дә исәпкә алып. Хәзер Россиядә ташламалы ипотека программасы эшли — еллык 7 процентлы ставка буенча яңа төзелгән йортта фатир алырга мөмкин. Әмма кредит күләме 3 миллион сумнан арта алмый. Шулай ук июль аенннан гаилә ипотекасы алу шартлары үзгәрде. Хәзер 2018 елның 1 гыйнварыннан 2022 елның 31 декабрен кертеп туган бер баласы булган гаиләләр ташламалы шартларда торак сатып алырга хокуклы.