Татарстанда тагын алты кеше коронавирустан үлгән
(Казан, 29 декабрь, «Татар-информ»). Татарстанда тагын алты кеше коронавирус инфекциясеннән үлгән. Пандемия башланганнан алып республикада 1,4 меңнән артык кеше ковид корбаны булган.
«Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», дип хәбәр итә Татарстан Сәламәтлек саклау министрлыгы матбугат хезмәте.
Шулай итеп, 1932, 1940 һәм 1962 елларда туган өч хатын-кыз, 1955 елда туган ике ир-ат һәм 1963 елда туган тагын бер ир кеше үлгән.