Тукай яшәгән «Болгар» номерлары урынындагы бинада Тукай экспозициясе торгызылган
Тукай яшәгән «Болгар» номерлары урынында салынган бинада Тукай экспозициясе торгызылган.
Витрина-экспозициянең тәрәзәсе ватылу сәбәпле, экспозиция җыеп алынган иде. «Татар-информ» бу мәсьәләне күтәреп чыкканнан соң витринаны төзекләндерү, аның тәрәзәсен кую буенча эш башланды. Кичә тәрәзә куелып, экспонатлар урнаштырылган
ТР мәдәният министрлыгы һәм ТР Милли музее вәгъдә иткәнчә, «Безнең өчен мәңге изге йорт…» («Здесь жил Тукай! Поэзия жила…») экспозициясе Тукайның туган көненә – 26 апрельгә өлгертелгән.
Тукайның туган көненә республикада узачак чараларга багышланган матбугат конференциясендә ТР мәдәният министры урынбасары Ленар Хәкимҗанов журналистларга игътибарлы булулары өчен рәхмәтен җиткерде.
- Тукай яшәгән кырыгынчы бүлмәне сурәтләгән витрина-экспозиция 2017 елның 10 октябрендә — Г.Тукайның Җаектан Казанга кайтуына 110 ел тулган көннәрдә рәсми ачылган иде. Витрина-экспозиция янында «Кайту: 110 елдан соң Тукайга, кырыгынчы бүлмәгә» дип аталган әдәби-музыкаль кичә узды.