Новости за 28.04.2022

Курмаев Осман Джамалетдинович(биография) ученый-биолог, доктор биологических наук, профессор,Заслуженный деятель науки и техники РТ родился 27 декабря 1903 года в деревне Суркино Лямбирского района Мордовии. В 1931 г. окончил Восточный педагогический институт. В 1930–1981 гг. работал там же, заведующий кафедрой зоологии… Далее

Казан белән Махачкаланы яңа авиарейс тоташтырачак. Очышлар атнага ике тапкыр – пәнҗешәмбе һәм якшәмбе көннәрендә башкарылачак. Беренче рейс 1 майга планлаштырылган.

1 майдан 3 майга кадәр һәм 9 майдан 10 майга кадәр Казанда җәмәгать транспорты ял көне графигы буенча эшләячәк.

24 апрельдә Удмуртиядә 220 кешелек ифтар узды. Уртак кичке ашны Удмуртиянең «Ак Калфак» татар хатын-кызлары берлеге һәм Удмуртия Республикасының «Наследие» халыклар берләшмәсе оештырды.

Татарстан Республикасы Идел буе Болгар дәүләтендә ислам динен кабул итүгә 1100 ел тулуга багышланган тантаналы чараларны югары дәрәҗәдә үткәрәчәк. Татарстанның Дәүләт Советы Рәисе Фәрит Мөхәммәтшин Мәскәүдә узган «Татарстан Республикасы киче»ндә шулай дип белдерде.

Республиканың Гидрометеорология үзәге алдагы берничә көнгә һава торышына фаразлар әзерләде. Әлеге мәгълүматлардан аңлашылганча, киләсе атна кыска вакытлы яңгырлар белән башлана.

Бүген Питрәч районының Богородское авылындагы «Сәфәр» мәчетендә ярымай кую тантанасы узды. Муниципалитет администрациясендә «Татар-информ» агентлыгына шул турыда хәбәр иттеләр.

Татарстан Президенты Рөстәм Миңнеханов «Илкүләм рейтинг»та Россиянең иң яхшы губернаторлары бишлегенә керде. Исемлек 2022 елның март-апрель айлары өчен төзелгән. Рөстәм Миңнеханов анда дүртенче урында тора. Татарстан җитәкчесенең исеме Чечня, Мәскәү һәм Мәскәү өлкәсе башлыклары исемнәреннән соң язылган.

Казанда инвалид балалар белән эшләү өчен волонтерлар туплау дәвам итә. Беренче потокка язылу төгәлләнгән. 20 кеше «Перемена» дип аталган яңа ял үзәгендә инде белем ала.

Мөселман эшмәкәрләре Россиянең әйдәп баручы дини уку йортларының ислам фәннәре укытучыларына матди ярдәм күрсәтте.

Киләсе 2 елда коммуналь инфраструктураны яңартуга 150 миллиард сум акча каралган. Эшләрне Илкүләм байлык фонды финанслый, дип белдерде Россия вице-премьеры Марат Хөснуллин. Бу хакта Министрлар Кабинетының матбугат хезмәте хәбәр итә.

2 майда Ураза бәйрәме билгеләп үтелә. Гает уңаеннан Казанның М.Горький исемендәге үзәк мәдәният һәм ял паркында традиция буенча шәһәркүләм «Рамазан Фест» үтәчәк.

Россия Тышкы эшләр министрлыгы Дипломатик академиясенең Актуаль халыкара проблемалар институтында «Хәкимов клубы»н тәкъдим иттеләр. Татарстан Республикасының Россия Федерациясендәге Тулы вәкаләтле вәкиллеге шул турыда хәбәр итә.

27 апрельдә Үзбәкстанның Фирганә өлкәсе татар милли-мәдәни үзәге Фирганә дәүләт университетында бөек татар шагыйре Габдулла Тукайның туган көненә багышланган музыкаль-шигъри кичә үткәрде. Татарстан Республикасының Үзбәкстан Республикасындагы вәкиллеге шул турыда хәбәр итә.

Җомга көнне Татарстан территориясендә томан һәм уртача тизлектәге җил көтелә. Татарстанның Гидрометеорология үзәге матбугат хезмәте шул турыда хәбәр итә.

Минималь хезмәт хакы күләмен һәм яшәү минимумын чынлыктагы инфляция нигезендә – 17 процентка арттырырга кирәк. Дәүләт Думасының Хезмәт, социаль сәясәт һәм ветераннар эшләре комитеты рәисенең беренче урынбасары Николай Коломейцев шундый фикерен җиткерде. Бу турыда РИА Новости яза.

Салават башкорт дәүләт драма театрында танылган драматург Флорид Бүләков пьесасы буенча сәхнәләштерелгән «Go, Баламишкин!» (Алга, Баламишкин!) спектакленең премьерасы булды. Тамаша авторның 75 еллыгына  багышланган. Бу хакта «Башинформ» агентлыгы хәбәр итә.

Мәдрәсә җитәкчесе Рөстәм Миңнехановның төзекләндерү турындагы йөкләмәсе үтәлмәвен әйтә.

Россия Федерациясе Вице-премьеры Марат Хөснуллин Идел буе Болгар дәүләтендә ислам динен кабул итүгә 1100 ел тулуга багышланган чаралар өчен логотипны һәм брендбукны раслады.

VK компаниясе (VK Company Limited) Яндекс.Новости сервисын һәм Яндекс.Дзен яңалыклар тәкъдим итү платформасын сатып алу турында килешүне имзалады. Әлеге компания шулай ук «ВКонтакте» һәм «Одноклассники» социаль челтәрләре белән идарә итә. Яңа килешү турында компаниянең рәсми сайтында хәбәр ителә.

Консультация – предупреждение об интенсивности метеорологических явлений на территории Республики Татарстан.

Татарстан төзелеш материалларының барлык төрләре белән тәэмин ителгән. Татарстанның Төзелеш, архитектура һәм торак-коммуналь хуҗалык министры урынбасары Илшат Гыймаев журналистлар өчен пресс-тур вакытында шулай дип белдерде.

Казанның Кызыл Татарстан урамында урнашкан Ак мәчеткә куркыныч яный.  Зур Казан боҗрасын төзү барышында, юл эшләре вакытында мәчетне әйләндереп алган бетон коймалар өлешчә сүтелгән. Блоклар күчерелгән һәм бина диварларына терәп куелган. Алар авария хәлендә булган объектны тагын да баса. Татарстан Республикасының Мәдәни мирас объектларын саклау комитеты шул турыда хәбәр итә.

Президент Касым-Жомарт Токаев Казахстан халыклары Ассамблеясы рәисенең яңа урынбасарларын билгеләде. Бу хакта Бөтендөнья татар конгрессы матбугат хезмәте Tengrinews.kz порталына сылтама белән хәбәр итә.

Алдагы май бәйрәмнәрендә Казанның муниципаль парковкалары бушлай булачак. Бу турыда Казан мэриясе хәбәр итә.