«КАМАЗ сервисы директорлар клубы» әгъзалары кризиста эшне дәвам итү турында фикер алышты

21-22 апрельдә «КАМАЗ сервисы директорлар клубының» 12нче утырышы узды. Чара партнерлары - ГазпромНефть һәм Savalt Group. Спикерлар аудиториянең кризис чорында эшне дәвам итү, хезмәткәрләр штатын саклап калу һәм җитештерү куәтләрен югалтмау турындагы сорауларына җавап бирде.

Savalt Group генераль директоры Валерий Перцев илдәге хәлгә үз карашы белән уртаклашты: «Чынлыкта теләсә нинди кризис — ул мөмкинлекләр вакыты. Базарда көндәшлек кими, күпсанлы конкурентлар урыннарны бушата, гадәти товарлар һәм хезмәтләр ассортименты кими. Үзебезнең җитештерүчеләр өчен барлык юллар да ачыла».

Сервис хезмәте күрсәтү турында сөйләсәк, аның ике төп өлешен истә тотарга кирәк: кеше хезмәте һәм запас комплектлау әйберләре. Хәзерге вакытта инфляция, хезмәт хаклары арту белән бәйле рәвештә, хезмәтләрнең бәясе кыйммәтләнүе көтелә.

«Запас частьлар чыгымнары үзгәрешсез калачак яки гомумән кимергә мөмкин. Аларны әзерләү күбесенчә РФ территориясенә күчәчәк. Ләкин моның өчен сыйфат турында борчылу кирәкми. Безнең илдә яхшы җитештерү мәйданнары, җиһазлар һәм квалификацияле инженерлар күп. Бүген җитештерелгән товарлар бик күп таләпләргә җавап бирә. Импортны тулысынча алмаштырганда, алар күбрәк булачак. Кыенлыклар күзәтеләчәк, әмма тулаем алганда сыйфат начаррак булырга тиеш түгел», - диде Валерий Перцев.

Илебез бизнесына ярдәм итү өчен төрле чаралар эшләүче, өстәмә акча бүлеп бирүче, ставкаларны компенсацияләүче РФ Хөкүмәтенә тиешле бәя бирергә кирәк. Хәзердән үк безнең компанияләрнең кискен алга китүен күрә алабыз, моңа шатланмыйча булмый», - диде ул.

Savalt Group - КАМАЗ G-Profi мотор майларын сатканда Газпромның бердәнбер дистрибьютеры. Шулай ук стретч-пленка, полимер-комлы эшләнмәләр җитештерүче зур компания.