Синоптиклар Татарстанда давыл турында кисәтте
Татарстан синоптиклары 27 апрельдә давыл чыгачагы турында кисәтте. ТР Гидрометеорология һәм әйләнә-тирә мохитне күзәтү идарәсе мәгълүматлары буенча, бүген көндез яшенле яңгыр һәм боз яву көтелә.
Хәбәрдә әйтелгәнчә, һава торышы көннең икенче яртысында һәм кич бозылачак. Ул 28 апрель төнендә дә саклана.
Бу вакытта Татарстан территориясеннән актив атмосфера фронтлары узачак.
Синоптиклар яшенле һәм көчле яңгырлар, боз яву, җилнең тизлеге урыны белән секундына 24 метрга кадәр җитү хакында искәртә.