Күренекле шәхесләргә багышланган анимацион циклның өченче ролигы дөнья күрде
Abau студиясе кичә күренекле режиссёр Марсель Сәлимҗановка багышланган анимацион роликны дөньяга чыгарды. Анимация роликлары циклы Мәдәният министрлыгының социаль челтәрләренә урнаштырылган.
«Бүген цикл язучы Фатих Әмирханга багышланган анимацион роликны чыгачак. Чиратта – мәгърифәтче Фатиха Аитова, «Яңалиф» язу машинасы уйлап тапкан Әскәр Шейх-Алига багышлана», дип вәгъдә итә ТР Мәдәният министрлыгы.
Алдарак әлеге студия Илһам Шакировка һәм Салих Сәйдәшев белән Кәрим Тинчурин тандемына багышлаган роликлар тәкъдим иткән иде. Алар социаль челтәрләрдә таралды.
Роликлар барысы да өч телдә – татарча, русча һәм инглизчә эшләнә.
Проект ТР Мәдәният министрлыгы ярдәме белән тормышка ашырыла. Роликларны эшләгәндә авторлар язучы Рабит Батуллага, Казанда исәпләү техникасы тарихы музеена, ТР Милли музеена, Ибраһимов исемендәге Тел, әдәбият һәм сәнгать институтына, Тукай исемендәге Татар дәүләт филармониясенә, «Җыен» фондына һәм геройларның туганнарына мөрәҗәгать иткәннәр.
Анимацион роликларда актриса Лилия Нурель, Taraf төркеме солисты Булат Шәйми, шагыйрә Миләүшә Гафурова тавышы яңгырый.
Проекта командасында - режиссерлар Дамир Аллямов һәм Искәндәр Вахитов, аниматорлар Дарья Рядченко, Наташа Ганжа, Ирина Чернийчук, музыкант Ислам Вәлиев, журналист Гөлчәчәк Шәйхетдинова һәм продюсер Ания Файзрахманова.