Новости за 28.07.2022

«Китап» радиосы автомарафоны бер ай буена республиканың төрле районнары буйлап сәяхәт итә. «Мин матурлык эзләп йөрим...» дип аталган әдәби-музыкаль программа белән алар дистәгә якын торак пунктта чыгыш ясаган. Бүген әлеге проект Азнакай шәһәрендә дә кунакта булды.

Армиянең үзәк спорт клубының (ЦСКА) спорт даны музее Татарстан Республикасының Россия Федерациясендәге Тулы вәкаләтле вәкиллегенә Кораллы көчләр һәм спорт ветераннарының хатларын, ЦСКА спорт мәктәпләрендә тәрбияләнүчеләрнең рәсемнәрен тапшырды. Татарстан Республикасының Россия Федерациясендәге Тулы вәкаләтле вәкиллеге шул турыда хәбәр итте.

«Казан» гаилә үзәге янында бер ир-ат Казансу елгасында батып үлгән. Шул хакта бүген 16.30 сәгатьтә 112 хезмәтенә – ашыгыч хезмәтләрне чакыру буенча бердәм номерга хәбәр иткәннәр.

Татарстан башкаласына Бөтендөнья татар конгрессының VIII съездында катнашу өчен Әфганстанның татар җәмгыяте делегациясе килде.

30-31 июльдә иртәдән кичкә кадәр студиягә һәр сәгать саен яңа кунак килеп торачак.

Барнаул шәһәренең Алтай тарихы, әдәбияты, сәнгате һәм мәдәнияте дәүләт музее утарында кинорежиссер Илдар Ягъфәров һәм аның «Исәнмесез?!» кинокартинасына багышланган истәлек билгесе ачылган.

«Җиде егетнең укырга керүе, шулай ук, шатланырлык очрак», - диде Рамил Мирзаһитов.

«Татмедиа»да Татарстанның танылган фотографы Фәрит Гобәевның «Искусство присутствия» дип аталган беренче фотоальбомын тәкъдим иттеләр. Фотосурәтләр белән елъязма язучының ике йөздән артык аклы-каралы сурәтләре әлеге басмага кертелгән. Алар – соңгы 50 ел эчендә җыелган иң яхшы хезмәтләр.

Бүген Рөстәм Миңнеханов «Сәләт» XI халыкара яшьләр белем бирү форумында булды.

Киләсе тәүлектә Татарстанда эссе һава торышы сакланачак. Татарстанның Гидрометеорология һәм әйләнә-тирә мохитне күзәтү идарәсе шул хакта хәбәр итте.

Кино төшерүчеләр Татарстанда милли фильмнарга дәүләт тарафыннан ярдәм күрсәтелмәвен, системлы эш корылмавын әйтә. Мисал өчен Якутия белән Башкортстанда бөтенләй башка вазгыять ди алар.

Татарстан Президенты Рөстәм Миңнеханов М.Вахитов исемендәге Казан химия комбинаты – «Нэфис Косметикс» акционерлык җәмгыятенә «Хезмәт батырлыгы предприятиесе» исемен бирү турындагы карарны имзалады. Шундый эчтәлектәге документ Президент порталында урнаштырылган.

Татарстанда 35 яшьлек ир-атка карата хөкем карары чыгарылды. Яшел Үзәндә яшәүче ир-ат хулиганлык ниятеннән кеше үтерүдә гаепле дип табылган. Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий шул турыда хәбәр итте.

Татарстанда быел беренче алты ай эчендә энтеровирус инфекциясе белән авыручылар саны узган ел белән чагыштырганда өч тапкыр арткан. Күпчелек очракта балалар бакчаларына йөри торган өч яшьтән алты яшькә кадәрге балалар авырый. Шул ук вакытта бер ел элек бу авыру бер яшьтән ике яшькә кадәрге сабыйларда ешрак күзәтелгән.

Бер гасырлык бинада ремонт эшләре дәвам итә. Узган елны башланган капиталь үзгәреш авылдашлар, иганәче якташлар ярдәме белән алып барыла.

Узган сишәмбе көнне «Танкодром» полиция бүлегенә 4 яшьлек баланың тәрәзәдән егылып төшүе турында хәбәр килгән. Малайның сәламәтлегенә җитди зыян килгән, аны хастаханәгә алып киткәннәр. «Татар-информ» мәгълүмат агентлыгында Россия Эчке эшләр министрлыгының Казан буенча идарәсе матбугат хезмәтендә шул турыда сөйләделәр.

У участников самодеятельности, творческих любительских формирований есть надежда на включение в программу кап.ремонта Мамыковского сельского Дома кульутры «Нефтяник». Темпы строительных работ в учреждениях образования и культуры Мамыковского сельского поселения Нурлатского района проинспектировал глава района.

От района в онлайн формате участвовали руководитель исполкома Рафис Хамзин, члены районной комиссии по обеспечению безопасности дорожного движения. Повестка дня включила выступления о результатах деятельности по обеспечению безопасности дорожного движения по итогам 6 месяцев, о времени прибытия оперативных служб на места совершения ДТП.

В Татарстане на сегодняшний день количество зарегистрированных на маркетплейсах предпринимателей превысило 31 тыс.

Пикетны оештыручы "Азатлык" яшьләре берлеге вәкилләре сүзләренчә, Милли шура рәисе Васил Шәйхразиев татарларның милли мәнфәгатьләрен кайгыртмый.

Чаллының Роспотребнадзор идарәсендә җәй башыннан бирле кешеләргә талпан кадалуның алты йөздән артык очрагы теркәлгән. Бу очракларның өчтән бер өлеше балаларга туры килә. Бу хакта Автошәһәрдә узган матбугат конференциясендә Сәламәтлек саклау идарәсенең штаттан тыш баш инфекционисты, йогышлы авырулар хастаханәсенең медицина өлеше буенча баш табиб урынбасары Татьяна Әгъләмова хәбәр итте.

Террорчылык иганәчесе дип әлегә дүрт ил танылган: Сүрия, Иран, Куба һәм Төньяк Корея. Бу исемлеккә кергән илләр белән башка илләр барлык дипломатик аралашуларны тулысынча диярлек туктата һәм аңа каршы кырыс чикләүләр кертелә.

XVIII Казан халыкара мөселман киносы фестивале кысаларында быел «Мусульманин» нәфис фильмының реставрацияләнгән версиясе күрсәтеләчәк.

Керемнәре яшәү минимумыннан түбән булган эшләмәүче пенсионерларга ярдәм итү өчен Министрлар Кабинеты төбәкләргә 10 миллиард сумнан артык акча бүлеп бирәчәк. Субсидияне алар пенсиягә өстәлмә буларак алачак.

Ежедневный оперативный прогноз возникновения чрезвычайных ситуаций на территории Республики Татарстан на 29 июля 2022 года.