Яшел Үзән районы башлыгы Үзәк хастаханәнең хирургия корпусында ремонт барышын тикшерде
Яшел Үзән районы башлыгы Михаил Афанасьев эш киңәшмәсе үткәрде, анда Үүзәк хастаханә һәм «Стройбренд» җәмгыяте махсуслаштырылган төзелеш оешмасы вәкилләре катнашты.
Капиталь ремонт стационар сәламәтлек саклау объектларына махсус программа кысаларында башкарыла. Ул 3 этапка бүленгән һәм 2024 елга кадәр исәпләнгән. Финанслау күләме 93 млн сум тәшкил итә. Бу хакта «Яшел Үзән» сайтында хәбәр ителә.
Хәзерге вакытта беренче этапның төзү-монтаж эшләре 85 процентка башкарылган. 2000 кв.м түбә алмаштырылган, 1400 кв.м мәйданда түшәм катламы җылытылган. Яңа тәрәзәләр куелган. 2нче хирургия корпусын яңартуның гомуми бәясе 294 млн сум тәшкил итә.
Төзелеш эшләреннән тыш, яңа медицина җиһазлары, мебель, инвентарь алу, территорияне төзекләндерү каралган.