Нәбиуллина: Россиядә икътисад төшүе көтелгәннән кимрәк булачак
Россиядә икътисад төшүе, фаразланганча, алай ук сизелерлек булмаячак, дип белдерде Үзәк банк башлыгы Эльвира Нәбиуллина. Аның сүзләренчә, икътисадның кискен төшүен көтәргә кирәкми, ә аның масштабы көтелгәнчә булмаячак.
«Мәгълүматлар буенча икътисади кимү вакыт буенча күпкә сузылачак һәм, мөгаен, алай ук тирән булмаячак дип күрсәтә», - диде ул, акча-кредит сәясәте буенча директорлар советы утырышы нәтиҗәләре буенча матбугат конференциясендә чыгыш ясаганда.
Үзәк банк башлыгы сүзләренчә, эчке тулаем продуктның кимүе азрак фаразлана - нигездә экспортның уртача кимүе аркасында. «Бу беренче чиратта нефть экспорты күләмнәрен яңа базарларга яңадан бүлү белән бәйле», - дип өстәде ул. (РИА Новости буенча цитата).
Искәртик, бүген Үзәк банк көтмәгәндә төп ставканы 8 процентка кадәр киметте. Регулятор фаразы буенча, акча-кредит сәясәтен исәпкә алып, еллык инфляция 2022 елда 12-15% ка кадәр кимиячәк, 2023 елда 5-7%, һәм 2024 елда 4 процентка кайтачак.