«Алга» һәм «Тимер» батальоннарына Татарстаннан гуманитар ярдәм китерделәр
Шушы көннәрдә «Алга» һәм «Тимер» батальоннары хәрбиләренә Татарстаннан гуманитар ярдәм алып килгәннәр. «Татар-информ»га шул турыда мәгълүм булды. «Алга» хәрбиләре өчен җибәрелгән йөкне бушатуның видеосы агентлык карамагына тапшырылды.
Егетләргә оекбашлар, җылы киемнәр, резин итекләр, консервалар, генераторлар тапшырылды. Ярдәмне республиканың гади халкы җыйды, аны җибәрүне «Танкистлар берлеге» вәкилләре оештырды.
Агентлыкка билгеле булганча, хәрбиләр якташларына ярдәм өчен чын күңелдән рәхмәт белдергән.
«Безнең өчен эшләгән бар эшегез өчен рәхмәт. Бу безнең өчен бик зур ярдәм. Алла боерса, без кайтырбыз һәм сезнең һәрберегез белән очрашып, шәхсән рәхмәтләребезне әйтергә телибез», – диде агентлыкның «Алга» батальонындагы чыганагы.