Ульяновскида татар милли хәрәкәте активисты, танылган гармунчы Иршат Аббазов вафат
Ульяновск шәһәрендә татар милли хәрәкәтенең чишмә башында торган актив җәмәгать эшлеклесе, танылган гармунчы, бик күп иҗади бәйгеләрдә җиңүче Иршат Сөләйман улы Аббазов вафат булды, дип яза «Өмет» газетасы телеграмдагы сәхифәсендә.
«Ул 85 яшендә фани дөньядан бакыйлыкка күчте. Мәрхүмнең туганнары һәм якыннарының тирән кайгысын уртаклашабыз. Иннә лилләһи вә иннә иләйһи раҗигун», диелә бу хәбәрдә.
Фото: © https://t.me/emet73