Саклану министрлыгы өлешчә мобилизация чараларның барысы да тәмамлануы турында хәбәр итте
Россиядә запастагы гражданнарны өлешчә мобилизацияләү кысаларында барлык чаралар да тәмамланды. Бу хакта РФ Саклану министрлыгында хәбәр иттеләр.
Ведомствода хәбәр иткәнчә, әлеге вакыттан повесткаларны әзерләү һәм тапшыру туктатыла. Мобилизацияләнгәннәрне җыю пунктлары бушатыла һәм элеккеге режимда эшли башлый.
Хәрби комиссариатлар штатлы режимда эшләүне дәвам итә һәм алга таба РФ Хәрби көчләре составын үз теләге белән килүчеләрдән һәм контрактчылардан туплый.
28 октябрьдә Россия Президенты Владимир Путин белән очрашуда РФ саклану министры Сергей Шойгу илдә запастагы 300 мең хәрбине чакыру тәмамлануы турында хәбәр итте.