Һава торышы аркасында ябылган Аракчино - Югары Ослан боз кичүе яңадан ачылды
Бүген көндезге сәгать өчтән Аракчино — Югары Ослан маршруты буенча Идел аша боз кичүе эше яңартылды, дип хәбәр иттеләр «Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә.
Елга аша кышкы юл тәүлек әйләнәсендә эшли. Биредән авырлыгы 3,5 тоннадан артык булмаган машинадар йөри ала.
Элегрәк «Татар-информ» Татарстанда һава торышы аркасында ябылган ике боз кичүенең бүген иртән яңадан ачылганлыгын хәбәр иткән иде.