Азнакайның Карамалы Елга авылы йөз еллыгын билгеләп үтә
Быел Азнакайның Карамалы Елга (Чалтаймас) авылына 100 ел тула. Бирегә бер гасыр элек Туйкә авылыннан күченеп килгәннәр. Бу хакта «Маяк» газетасында хәбәр ителә.
Олуг юбилей уңаеннан авылда төрле чаралар үткәрелү каралган. Аның беренчесе авыл мәчетендә Коръән ашы булды. Мәрхүм авылдашлары рухына дога кылып, тарихи истәлекләрне яңартып, авыл халкы юбилей елын ачып җибәрде.