Татарстанда 2023 елга планнан 37 процент торак файдалануга тапшырылган
Татарстанда 1138000 квадрат метр торак файдалануга тапшырылган, бу 2023 елга планның 37 процентын тәшкил итә. Татарстан төзелеш, архитектура һәм торак-коммуналь хуҗалык министрының беренче урынбасары Алексей Фролов Хөкүмәт Йортында узган киңәшмәдә шул хакта әйтте.
Докладчы сүзләренчә, торак төзелеше өлкәсендә коммерцияле төзүчеләр алда бара. Бүгенге көндә гомуми мәйданы 599 мең кв. метр булган 81 күпфатирлы йорт әзер. Социаль ипотека программасы буенча 44 мең кв. метр (15 йорт), шәхси торак өлкәсендә 495 мең кв. метр диярлек төзелгән.
Киңәшмәне Татарстан Премьер-министры Алексей Песошин уздырды.