Олег Морозов «Мәскәү - Татарстан күпере» яшьләр форумы спикеры булачак
Россия сәясәтчесе Олег Морозов 8 апрельдә «Мәскәү - Татарстан күпере» Мәскәү яшьләр форумы спикеры була.
Ул Казан университеты мөгаллименнән алып парламентарийга кадәр юл үткән сәясәтче. Бу хакта Татарстанның Россиядәге Тулы вәкаләтле вәкиллегенең матбугат хезмәте хәбәр итә.
Олег Викторович - хәзерге Россиянең тәҗрибәле сәясәтчеләренең берсе. Барлык чыкырылыш Дәүләт Думасы депутаты. Хәзерге вакытта РФ Федераль Җыены Дәүләт Думасының Контроль комитеты рәисе булып тора.
Югары гаммәви сәясәт мәктәбе җитәкчесе. «Бердәм Россия» партиясен оештыручыларының һәм идеологларының берсе.
Форумны ел саен Татарстан Республикасының Россия Федерациясендәге Тулы вәкаләтле вәкиллеге оештыра.