Татарстанда коронавирус белән авыручы сигез кешене хастаханәгә салганнар
Татарстанда тәүлек эчендә коронавирус инфекциясеннән авыруның 114 яңа очрагы ачыкланган, сигез кешене хастаханәгә салганнар. Гомумән алганда, пандемия башланганнан бирле республикада ковид белән 203 мең 858 авыру очрагы теркәлгән. Стопкоронавирус.рф порталында шул турыда хәбәр ителә.
Татарстанда бер тәүлектә 87 кеше савыккан, пандемия башланганнан бирле – 201 мең 24 кеше.
Гомумән алганда, Россия буенча тәүлек эчендә ковид белән авыруның 9591 яңа очрагы ачыкланган, 589 кеше хастаханәгә озатылган. Хастаханәгә китерелгән кешеләр саны алдагы тәүлек белән чагыштырганда 49,4 процентка кимегән. Бер тәүлектә 9833 кеше сәламәтләнгән, ягъни 1 апрель белән чагыштырганда 20 процентка кимрәк. Тәүлек эчендә 31 кеше коронавирустан үлгән.