«Ак Барс» уен башында 0:2 исәбенә җиңелеп барса да, Омск командасын җиңә алды
Бүген «Ак Барс» - «Авангард» плей-офф сериясенең өченче уенында Казан командасы җиңде. Матч исәбе – 2:3.
- Казанның «Ак Барс» һәм Омск шәһәренең «Авангард» командалары Гагарин кубогы өчен көрәшнең финалына чыгарга көч сынаша. Финалга дүрт җиңү яулаган команда чыгачак. Хәзер «Ак Барс» исәбендә ике җиңү, «Авангард»та - бер. Уен Омск шәһәрендә узды.
Беренче период голларсыз үтте (0:0).
Икенче период. Ундүртенче минутта Омск командасы һөҗүмчесе Рид Буше исәпне ачты (1:0).
Өченче период. Алтынчы минутта «Авангард» уенчысы Владимир Ткачев командасын тагын бер алкага алга чыгарды (2:0). Унбишенче минутта «Ак Барс»ның унсигез яшьлек сакчысы Никита Евсеев плей-оффта беренче голын кертте (2:1). Унҗиденче минутта «Ак Барс» капитаны Александр Радулов исәпне тигезләштерде (2:2).
Өстәмә вакытның унөченче минутында Вадим Шипачёв гол кертте, «Ак Барс» җиңде (2:3).
Командалар составы:
«Авангард»
- Демченко (Мишуров);
- Ткачёв – Найт – Буше, Шәрипҗанов – Пайгин;
- Грицюк – Броадхёрст – Толчинский, Береглазов – Сведберг;
- Якупов – Дергачёв – Телегин, Белов – Чистяков;
- Дедунов – Малыхин – Жарков.
«Ак Барс»
- Билалов (Мифтахов);
- Воронков – Сафонов – Радулов, Юдин – Лучевников;
- Кагарлицкий – Шипачёв – Петров, Адамчук – Лямкин;
- Галиев – Семёнов – Панюков, Хафизуллин – Журавлёв;
- Лукоянов – Галимов – Дыняк (Терехов), Евсеев.
«Ак Барс» – «Авангард» сериясенең киләсе уены да Омск шәһәрендә үтәчәк. Матч 7 апрель 16:30 сәгатьтә башлана.