Нәзарәтнең «Зәкят» фонды тәрбиясендәге кешеләр өчен ифтар җыелмалары таратыла
Казанда нәзарәтнең «Зәкят» фонды тәрбиясендәге кешеләр өчен көн саен ифтар җыелмалары таратыла. Әлеге акциядә теләге булган һәркем катнаша ала. Бу ифтар җыелмалары алучыларның санын арттырырга, шулай ук ризыкны төрләндерергә мөмкинлек бирәчәк.
Ифтар җыелмалары халыкның мохтаҗ катламына караган күпбалалы гаиләләр, балаларын ялгызы гына тәрбияләүче әниләргә бирелә. Алар тәмле пылау (бәрәңге боламыгы һәм кәтлит), аш, салат, компот, хөрмә җимеше һәм камыр ризыгы белән сыйлана.
Ураза тотучыларга ифтар белән ярдәм итәргә теләүчеләр әлеге җыелмалар өчен акча күчерә ала.
Мөхәммәд пәйгамбәр с.г.в.: «Кем дә кем ураза тотучыны авыз ачтырса яки ифтар мәҗлесе оештырса, ураза тоткан кешеләрнең савабы ул кешегә дә язылыр, әмма ураза тотучының савабы һич тә кимемәс», - дигән.
«Зәкят» фонды карамагындагылар өчен ифтар җыелмаларына үз өлешеңне Бауман урамындагы «Ханума» кафесына килеп кертергә мөмкин.